स्थानकातील शनिवारच्या डिनर पार्टीत अंतराळवीरांनी घेतला सोफीच्या फ्रेंच पदार्थाचा आस्वाद

अंतराळ स्थानकातील शनिवारच्या डिनर पार्टीत स्थानकातील सर्व अंतराळवीर एकत्रित अंतराळवीर सोफीच्या फ्रेंच पदार्थाचा आस्वाद घेताना -फोटो -E.SA संस्था 

 

E.SA संस्था - 23एप्रिल

अंतराळस्थानकातील अंतराळवीर पृथ्वीपासून दूर त्यांच्या कुटुंबियांपासून दूर अंतराळातील झिरो ग्रॅव्हीटीत वास्तव्य करतात तेव्हा त्यांना पृथ्वीसारखे ताजे अन्न पदार्थ खायला मिळत नाही त्यांना पृथ्वीवरून आलेले प्रिझर्व अन्न पदार्थ खावे लागतात अंतराळ स्थानकातील वास्तव्यादरम्यान अनेक सण येतात अशा वेळी त्यांना ह्या खास प्रसंगी खाण्यासाठी काही विषेश पदार्थ दिले जातात तर कधी स्थानकात येणाऱ्या कार्गोशिप किंवा अंतराळ स्थानकात   वास्तव्यास येणाऱ्या अंतराळविरांसोबत त्यांच्या साठी अन्न पदार्थ पाठविले जातात 

अंतराळवीर स्थानकातील वास्तव्यादरम्यान संशोधन व इतर कामात व्यस्त असतात अंतराळस्थानकात येणाऱ्या अंतराळवीरांचे स्थानकात स्वागत त्यांच्या पृथ्वीवर जाण्यासाठीची तयारी पृथ्वीवरून स्थानकात येणाऱ्या जाणाऱ्या कार्गोशिपसाठी Hatching Docking ची तयारी करणे शिवाय संशोधित प्रयोगाचे नमुने गोळा करणे ह्या व्यतिरिक्त अनेक कामे ते करतात मागच्या महिन्यात अंतराळवीरांनी अंतराळस्थानकाच्या नूतनीकरणासाठी आणि तांत्रिक कामासाठी स्पेसवॉकही केला ह्या आठवड्यात अंतराळवीरांनी आर्टिमस II मोहिमेतील अंतराळवीरांशी चंद्रप्रवासा दरम्यान अंतराळातून लाईव्ह संवादही साधला त्या मुळे ह्या अंतरावीरांचा हा आठवडा अत्यंत धावपळीचा गेला 

ह्या अंतराळवीरांनी म्हणूनच ह्या शनिवारी रात्री एकत्र डिनर पार्टीचे आयोजन केले युरोपियन अंतराळवीर सोफी अडोनेट हिने हि कल्पना सुचविली सोफीने त्या साठी स्थानकातील सामानातून खास टेबल तयार केला आणि त्यावर सारे पदार्थ मांडून टेबल सजविला ह्या पार्टीचे वैशिष्ठ होते सोफीच्या बोनस फूडचा त्यातला समावेश युरोपियन सांस्कृतिक परंपरेनुसार अंतराळवीर जेव्हा स्थानकात वास्तव्यास जातात तेव्हा त्यांच्यासाठी हे बोनस फूड दिले जाते अंतराळवीरांच्या वास्तव्यादरम्यान स्थानकात येणाऱ्या सण किंवा खास प्रसंगाच्या वेळी खाण्यासाठी अंतराळवीरांना काही जास्तीचे पारंपारिक पदार्थ दिले जातात अंतराळवीर त्यांच्या व्यस्त दिनचर्येतून वेळ काढून जेव्हा एकत्र पार्टी करतात तेव्हा ह्या खास पदार्थांचा आस्वाद घेतात अंतराळवीरांसाठी युरोपातील खास Chef हे पदार्थ बनवतात सोफीसाठी हे स्पेशल पदार्थ Multi Michelin Starred Chef -Anne -Sophie Pic ह्यांनी तयार केले होते अंतराळवीरांनी शनिवारच्या डिनर मध्ये ह्या फ्रेंच बोनस फूड पदार्थांचा आस्वाद घेत पार्टी एन्जॉय केली  

अंतराळवीरांना सोबत दिल्या जाणाऱ्या  पदार्थांच्या सोबत दिलेले हे खास अन्न पदार्थ अत्यल्प असतात त्यांच्या मेनूच्या एक दशांश पट इतकेच पण अंतराळवीर म्हणतात हे अन्न पदार्थ अंतराळातील झिरो ग्रॅव्हीटीतील वास्तव्यात शरीरासाठी आणि मनासाठी आरोग्यदायी ठरतात त्या मुळे अंतराळवीरांची मैत्री दृढ होण्यास मदत होते आणि विशेष म्हणजे त्यांना वेगवेगळ्या देशातील पदार्थंची चव चाखायला मिळते