नासाच्या Artemis III अंतराळ मोहिमेतील अंतराळवीरांची निवड जाहीर

 

नासाच्या आर्टेमिस III अंतराळ मोहिमेतील सहभागी अंतराळवीर Andre Douglas  इसाचे अंतराळवीर Luca Parmintano नासाचे अंतराळवीर Randy Bresnik आणि अंतराळवीर Frank Rubio- फोटो -नासा संस्था  

नासा संस्था -12 जुन 

नासाची आर्टेमिस II मोहीम यशस्वी झाल्यानंतर आता नासा संस्थेने आर्टेमिस III मोहिमेची तयारी सुरु केली आहे नासा संस्थेने बुधवारी ह्या मोहिमेसाठी चार अंतराळवीरांची निवड केली असून वेळेवर काही समस्या उद्भवल्यास किंवा एखादा अंतराळवीर मोहिमेत सहभागी होऊ न शकल्यास राखीव अंतराळवीराची निवड जाहीर केली आहे 

ह्या मोहिमेसाठी नासाचे अंतराळवीर Andre Douglas,Randy Bresnik,Frank Rubio आणि इसाचे अंतराळवीर Luca Parmintano ह्यांच्या नावाची घोषणा झाली आहे आणि Bob Hines ह्यांची राखीव अंतराळवीर म्हणून निवड झाली आहे ह्या मोहमेतील कमांडरपद अंतराळवीर Randy Bresnik आणि पायलट पद अंतराळवीर Luca Permintano सांभाळतील अंतराळवीर Andre Douglas आणि अंतराळवीर Frank Rubio हे दोघे मिशन स्पेशॅलिस्ट म्हणून काम करतील 

अंतराळवीर Bresnik ह्यांची हि तिसरी अंतराळवारी आहे ह्या आधी STS-129 मोहिमे अंतर्गत 2009 मध्ये त्या नंतर अंतराळ मोहीम 52- 53 अंतर्गत ते अंतराळ स्थानकात वास्तव्यास गेले होते 

अंतराळवीर Parmintano ह्यांची देखील हि तिसरी अंतराळवारी आहे ह्या आधी 2013 मध्ये आणि 2019 मध्ये Soyuz MS-13अंतराळमोहीम 61अंतर्गत ते स्थानकात वास्तव्यास गेले होते 

अंतराळवीर Rubio ह्यांची हि दुसरी अंतराळवारी आहे ह्या आधी 2022 मध्ये Soyuz MS-22अंतराळमोहीमे अंतर्गत ते स्थानकात वास्तव्यास गेले होते त्या दरम्यान त्यांनी स्थानकात 371 दिवस वास्तव्य करून स्थानकात जास्त दिवस राहणारा अमेरिकन अंतराळवीर असा विक्रम प्रस्थापित केला होता 

अंतराळवीर Douglas ह्यांची मात्र हि पहिलीच अंतराळयात्रा आहे ह्या आधी त्यांची आर्टेमिस II मोहिमेत राखीव अंतराळवीर म्हणून निवड झाली होती 

हे अंतराळवीर 2027 मध्ये चंद्रावर जातील आणि आर्टेमिस IV मोहिमेसाठी आवश्यक सायंटिफिक प्रयोग व संशोधित माहिती मिळवतील ह्या मोहिमेच्या यशस्वीतेनंतर 2028 मध्ये आर्टेमिस IV मोहिमेतील अंतराळवीर चंद्राच्या दक्षिणेकडील भागात जातील नासाच्या फ्लोरिडा येथील केनेडी स्पेस सेंटर येथून S.LS रॉकेटच्या साहाय्याने Orion चंद्रयान ह्या अंतराळवीरांसह अंतराळात झेपावेल आणि पृथ्वीच्या खालच्या कक्षेत (Low Earth Orbit ) प्रवेश करेल त्या नंतर हे चारही अंतराळवीर Orion चंद्रयानातील सर्व अत्याधुनिक सिस्टिम्स चेक करतील ह्या सिस्टिम्सची कार्यक्षमता,सुरक्षितता,हार्डवेअर,सॉफ्टवेअर,संपर्क यंत्रणा आणि इतर आवश्यक बाबीचा त्यात  समावेश आहे 

ह्या मोहिमेदरम्यान हे अंतराळवीर पृथ्वीवरून अंतराळात येणाऱ्या Blue Origin आणि Space X ह्यांनी निर्मित केलेल्या Moon Lander ची देखील चाचणी घेतील  भविष्यकालीन चंद्रमोहिमेतील अंतराळवीरांसाठी उपयुक्त संशोधित माहिती मिळविण्यासाठी आणि चंद्रभूमीवर फिरण्यासाठी Blue Origin आणि Space X ह्यांनी अत्याधुनिक अद्ययावत यंत्रणायुक्त Moon Lander ची निर्मिती केली आहे  हे अंतराळवीर चंद्र मोहिमेत जाण्याआधीच Blue Origin कंपनीचे Moon Lander अंतराळात Launch होईल त्या नंतर अंतराळवीर तेथे पोहोचतील आणि Lander ची Hatching ,Docking प्रक्रिया पार पडेल अंतराळवीर Lander मध्ये प्रवेश करतील आणि Lander मधील सर्व सिस्टिम्सची,सुरक्षितता,कार्यक्षमता संपर्क यंत्रणा चेक करतील दोन दिवस हे अंतराळवीर त्या मध्ये वास्तव्य करतील आणि त्या नंतर Orion चंद्र यान Lander पासून वेगळे होईल 

Blue Origin Lander ची चाचणी पूर्ण झाल्यानंतर पृथ्वीवरून Space X ने तयार केलेल्या Moon Lander चे Launching अंतराळात होईल त्यानंतर पुन्हा ह्या Lander ची Hatching Docking प्रक्रिया पार पडेल एक दिवस अंतराळवीर त्यात वास्तव्य करून त्यातील सर्व यंत्रणेची सुरक्षितता,कार्यक्षमता आणि संपर्क यंत्रणा चेक करतील ह्या प्रक्रिया पार पडल्यावर Orion चंद्रयान Lander पासून वेगळे होईल साधारण दोन आठवड्यानंतर अंतराळवीर पृथ्वीवर परततील अंतिम कालावधी ह्या अंतराळवीरांच्या मोहिमेनंतर ठरेल 

ह्या अंतराळवीरांच्या नावाची घोषणा झाल्यानंतर नासाचे Administrator Jared Isaacman म्हणाले" आर्टेमिस II च्या यशस्वीतेमुळे आणि त्यातील सहभागी अंतराळवीरांच्या वैशिष्ठपूर्ण कर्तृत्वामुळे नासा ह्या मोहिमेतील पुढचे  धाडसी पाऊल टाकत आहे आर्टेमिस II मोहिमेत उड्डाणाआधी आलेल्या समस्यांना न घाबरता ह्या अंतराळवीरांनी धैर्याने आणि संयमाने हि अवघड मोहीम यशस्वी केली त्यांनी अत्यंत उपयुक्त आणि मौल्यवान संशोधित माहिती देखील गोळा केली त्या मुळे जगभरातील नासा संस्थेतील शास्त्रज्ञ प्रेरित झाले आहेत "!