स्थानकातील Antenna system बदलण्यासाठी अंतराळवीर Thomas Marshburn आणि Kayla Barron ह्यांनी केला स्पेसवॉक

 

 

 अंतराळवीर Thomas Marshburn आणि Kayla Barron स्पेससूट घालून Antenna system बदलण्यासाठी स्पेसवॉकच्या तयारीत -फोटो नासा संस्था 

नासा संस्था - 2 डिसेंबर

नासाच्या अंतराळमोहीम 66 चे अंतराळवीर Thomas Marshburn आणि Kayla Barron ह्यांनी गुरुवारी स्थानकाच्या तांत्रिक दुरुस्तीसाठी स्पेसवॉक केला हा स्पेसवॉक सकाळी 7.10 वाजता सुरु झाला आणि साडेसहा तासांनी 12.47 वाजता संपला 

अंतराळवीर Kayla Barron आणि Thomas Marshburn ह्या दोघांनी आधीच ह्या स्पेसवॉकची तयारी सुरु केली होती त्यांनी त्यांचे स्पेससूट चार्ज करून ठेवले होते शिवाय त्यातून हवा लीक होत नाही ना हेही चेक केले आवश्यक फोटो घेतले सकाळी सव्वा सहालाच हे दोघेही स्पेससूट घालून  स्पेसवॉक साठी स्थानकातून अंतराळात जाण्यासाठी तयार झाले आणि 7.10a.m.ला ते स्थानकाबाहेर पडले साडेसहा तासांच्या ह्या स्पेसवॉक दरम्यान ह्या अंतराळवीरांनी स्थानकाच्या Port -1 Truss ह्या भागातील जुनी खराब झालेली अँटेना सिस्टिम बदलली 

हि अँटेना सिस्टिम बिघडल्यामुळे गेल्या काही दिवसांपासून पृथ्वीवरील नासा संस्थेत  स्थानकातून व्यवस्थित सिग्नल्स मिळण्यात अडचणी येत होत्या त्या मुळे हि जुनी सिस्टिम  बदलवुन त्या जागी नवी सिस्टिम बसवण्याचा निर्णय घेण्यात आला अंतराळवीरांनी हि सिस्टिम बदलवून नवे अँटेना बसविले शिवाय त्यांनी स्थानकाच्या दुरुस्तीसाठी उपयुक्त इतर आवश्यक कामेहि केली त्यांनी पुढील स्पेसवॉकच्या तयारीसाठीही काही कामे पूर्ण केली ह्या अंतराळवीरांना स्थानकातून अंतराळवीर Mark Vande अंतराळवीर Raja Chari आणी अंतराळवीर Mattias ह्यांनी स्पेसवॉक दरम्यान मार्गदर्शन केले 

अंतराळवीर Thomas Marshburn  ह्यांनी त्यांच्या अंतराळस्थानकातील वास्तव्यादरम्यान केलेला हा पाचवा स्पेसवॉक होता त्यांनी त्यांच्या अंतराळ कारकिर्दीत स्पेसवॉक दरम्यान अंतराळात एकतीस तास आणि एक मिनिटे व्यतीत केले आहेत तर Kayla  Barron ह्यांची हि पहिलीच अंतराळवारी असल्याने त्यांचा हा पहिलाच स्पेसवॉक होता त्या साठी त्यांनी अंतराळात साडेसहा तास व्यतीत केले यंदा स्थानकातील मानवी वास्तव्याला वीस वर्षे पूर्ण झाली असून एकविसावे वर्ष सुरु आहे आणि या वर्षातील स्थानकाच्या दुरुस्तीसाठी केलेला हा तेरावा स्पेसवॉक होता