मंगळ ग्रहाचे विलोभनीय फोटो

भारताच मंगळ यान मंगळावर पोहोचताच त्याने पाठवलेले मंगळ ग्रहाचे हे विलोभनीय फोटो  

पत्रिकेत कायम वक्री असणारा व शुभ कार्यात अडथळा आणणारा म्हणून ज्याची वल्गना केली जाते  त्या  मंगळ ग्रहाच हे सरळ फोटो व सुंदर वास्तव [twitter वरून प्राप्त ] 

   

यवतमाळ येथील डुमणापूर मंदिरात बायकांना गाभारयात प्रवेश बंद

                                       यवतमाळ येथील डूमणापूर येथे मारुतीचे पुरातन मंदिर आहे गावापासून दूर व बाग बागीच्यामुळे हे मंदिर पिकनिकसाठी प्रसिद्ध आहे इतके दिवस बायकांना मारुतीच्या दर्शनासाठी मूर्तीपुढे जाऊन नमस्कार करता येत होता पण आता मात्र मारुतीच्या मंदिरात बायकांना गाभारयात अर्थात बाहेरूनच दर्शन घेण्यास बंदी केली असून तसा बोर्डच लागलेला तिथले पुजारी दाखवतात बायकांना नमस्कार घ्यायचा असेल तर समोरच्या ओटयावर चढून घ्यावे लागते भाजप सरकार सत्तेवर येताच एकीकडे पंतप्रधान नरेंद्रमोदी सर्व देशांना भेटी देऊन देश प्रगतीपथावर नेत आहेत , भारताने यशस्वी मंगळ मोहीम राबवुन मंगळयानाने तिथले फोटो पाठवुन प्रत्यक्ष कामाला सुरवात केलेली असताना आणि विशेष म्हणजे भारतीय वंशाच्याच कल्पना चावला व सुनिता विल्यम्स ह्या दोघींनी अंतराळात प्रवेश करूनही अजूनही यवतमाळ येथे स्त्री,पुरुष भेदभाव केल्या जातोय. 

दिवाळी मालिकेतली

                  यंदा निवडणूक निकालामुळे उशिराने पण दिवाळी नेहमीच्याच उत्साहात ,दिव्यांच्या प्रकाशात तेजाळली, झेंडूच्या फुलान सजली .धनत्रयोदशी लक्ष्मीपूजनान पवित्र झालेल्या वातावरणात ,नरकचतुर्दशीच्या सुगंधीत उटण्याच्या पहाट स्नानान वातावरणात प्रसंन्नता आणत दिवाळी पाडवा,भाऊबीजे पर्यंत सर्वत्र साजरी झाली. प्रदूषणकारी फटाके विरहीत दिवाळी साजरी करण्याचा कलावंतानी दिलेला संदेश झुगारत हजारो रुपयाचे मोठ्या आवाजाचे फटाके उडवल्या गेले आणि त्यांच्या आतषबाजीत सारी गाव,शहर न्हाऊन निघाली.
घराघरातून टी वि. प्रेक्षकांना फराळा सोबतच मालिकेतील कलावंतांची पडद्यावरची व पडद्यामागची दिवाळी पाहायला मिळाली.काही कलावंतांना शुटींग मुळे घरी जाता न आल्याने सेटवरच दिवाळी साजरी करावी लागली कलाकारांच्या मुलाखती ,आठवणी आणि विनोदी मालिकेमुळे प्रेक्षकांची दिवाळी मनोरंजनात्मक झाली.
प्रेक्षकांना ह्या दिवाळीची सुंदर भेट " रेखाच्या मुलाखतीची"  मिळाली रेखान तिच्या आयुष्यातील आजवर न सांगितलेले सुरेख क्षण प्रेक्षकांपुढे उलगडले रेखा एकांत प्रिय आहे तिला शांतता आवडते ती आपल्या सौंदर्याची आरोग्याची विशेष काळजी घेते व्यायाम,आहारावर नियंत्रण ठेवते एकांतात विचार करताना आपल्या आंतरमनाचा आवाज ऐकते त्यालाच ती देवाचा आवाज मानते सिनेमात काम करण तिला आपल्या श्वासा इतक महत्वाच वाटत तिला खुबसुरतच्या रिमेक मधला सोनमचा अभिनय आवडला.रेखा म्हणते आजची तरुण पिढी talented,अपडेटेड आहे मग तो सिनेकलावंत असो की पत्रकार त्यांना सार माहित असत त्यांना पैसे प्रसिद्धी मिळवण जमत कारण आज टी वि.मोबाइल ,इंटरनेट मुळे ते जगात कोठेही पोहोचु शकतात पण पूर्वी तस नव्हत काम मिळण ,भूमिका साकारण्या आधी त्याचा अभ्यास करण ,माहिती मिळवण नृत्य शिकण सारच खूप कठीण होत विशेषत: उमरावजानच्या वेळेस.जवळपास तासभर रंगलेली हि मुलाखत रसिकांना रिझवून गेली.
                    त्या नंतर बाजी मारली ती" झी" वाहिनीवरील "चला हवा येऊ द्या" ह्या विनोदी मालिकेन निलेश साबळेच्या सुरेख सूत्र संचालनान नटलेल्या आणि भाऊ कदम,सागर कारंडे ,कुशल बद्रिके आणि भरत गणेशपुरे ह्यांच्या विनोदी अभिनयात सादर झालेल्या धमाल विनोदी कार्यक्रमान प्रेक्षकांची मनमुराद दाद मिळवून दिली झी वरच्या" होणार सून मी ह्या घरची" ,"जावई विकत घेणे आहे" ,"जुळून येती रेशीम गाठी ", "अस्मिता "आणि "कारे दुरावा" ह्या मालिकेतील सासवा, सुना ,नायक नायिका व इतर कलावंतांनी "दिवाळी विशेष "भागात हजेरी लावली आणि धमाल उडवून दिली "रोहिणी हट्टंगडीना" विचारलेल्या एका मिश्किल  प्रश्नाचा धागा पकडत  तेव्हढ्याच मिश्किलीने उत्तर देत त्या म्हणाल्या कि मी तरुणपणी म्हातारी होते आता म्हातारपणी तरुण होतेय .,"उषा नाडकर्णींनी" सांगितलं कि लोक त्यांच्या सासुगीरी मुळे त्यांच्याशी बोलायला घाबरतात पण प्रत्यक्षात मात्र त्या खडूस नाहीत त्यांनीही त्यांच्या दिवाळीच्या आठवणी सांगताना बालपणीच्या उनाड आठवणी जागवत कार्यक्रमात रंगत आणली व सारयांना भरपूर हसवलं तर "चला हवा येऊ द्या" च्या नाटिकेतील" नाठाळ सुनेला" वटणीवर कस आणायचं हे त्यातल्या साध्या भोळ्या सासूला शिकवताना धमाल उडवून दिली त्यांच्या स्टेज नृत्याबद्दल सांगताना त्यांनी ४ थ्या वर्षानंतर एकदम ६४ व्या वर्षी स्टेज वर डान्स केल्याच सांगितलं " लीना भागवत"  ह्यांनी बरयाच विनोदी मालिकेत काम केल्याने त्यांना सहजतेन विनोद करता येतो हे " होणार सून मी ह्या घरची"  मधून पाहतोच आहोत त्यांनी आणि " सुकन्या कुलकर्णींनी"  आपल्या आयुष्यातील खरया नवऱ्याच्या गमतीदार गमतीजमती सांगत लोकांना हसवत ठेवलं " तेजश्री व शशांक केतकर"  ह्यांनीही आपल्या आठवणी सांगितल्या तेव्हा प्रत्यक्षात जानव्ही खूप बोलघेवडी आणि बोल्ड आहे तर शशांक मितभाषी असल्याच सांगितलं  "सविता प्रभूणेन"  प्रत्यक्षातला "राया"  साधा दिसतो पण खोडकर आहे अस सांगितलं " रमेश भाटकर " ह्यांनी कविता वाचून दाखवली तर " वर्षा उसगावकर" हिनही दिवाळीची आठवण सांगत नृत्य सदर केल.
                 सर्वात धमाल "विनोदी वार्तापत्र व गावाकडच्या दिवाळीचा" विनोदी कार्यक्रम पाहताना आली "जुळुन येती रेशीमगाठी" तल्या" सुकन्याला "भरत गणेशपुरे'  ह्यांनी जरा सुनेशी सासुसारख वागा कारण तमाम सासुवर्ग तुमच्यावर नाराज असल्याच सांगत "का रे दुरावातल्या" सासऱ्याला छळ करताना उपाशी ठेऊन ,पाणी भरताना,पायरया चढायला लावताना त्यांना व्यायाम होतो व पैसे न देता काटकसरीचा धडा मिळतो अशी कोपर खळी मारत गावातल्यांच्या वतीन बक्षीस देऊ केल तर सागर कारंडेन रोहिणी हट्टंगडीना तुमच्या कडे खूप सासवा आहेत त्यात माझ्याही सासूला ठेऊन घ्या ती मला खूप छळते म्हणत सारयांना हसवत ठेवलं ह्या हसवणुकीत भर टाकत जानव्हीला, "तुला आई आठवते,बाबा आठवतात ,पिंट्या आठवतो ऑफिस आठवत ,बॉसही आठवतात मग श्री अन सासरच कस विसरल ? "  आता खूप दिवस झालेत तुला आठवत नाही म्हणून मी एक औषध देतो ते सासरच्यांना दे म्हणजे सासरचेही पूर्वीच विसरतील अस सांगत प्रेक्षकांना मनमुराद हसवलं तर प्राजक्ता माळी च्या लकबीची नक्कल करत ती बदलण्याचा दिलेला सल्ला ती पुणेकर आहे हे कळताच त्या लकबीच कौतुक केल . अस्मितातल्या मयुरी वाघला कोड्यात टाकणारी उत्तरे विचारून पेचात टाकल थोडक्यात "चला हवा येऊ द्या" चा धमाल विनोदी " हास्य दिवाळी' विशेष प्रेक्षकांना सलग तासभर हसवत ठेवत त्यांची मनमुराद , भरभरून दाद मिळवून गेला पण ह्या कार्यक्रमातील भाउ कदम ,सागर कारंडे ,कुशल बद्रिके ,भरत गणेशपुरे ह्यांना हसवण्याची अंगभूत कला अवगत असताना स्रीवेष धारण करून बाष्कळ विनोद करण्याची गरज का भासावी? बालगंधर्वांनी स्री वेष धारण करून भूमिका केल्या कारण त्या काळात स्रीया नाटकात काम करत नसत आता स्री कलावंतांची वानवा नाही लठ्ठपणा ,स्रीवेश ,बाष्कळ विनोदाशिवाय निखळ विनोदी मालिका होऊ शकते "चला हवा येऊ द्या" ची थीम चांगली असूनही ह्या कलावंतांना स्री वेषात पाहण प्रेक्षकांना आवडत नाही कलर्स वाहिनीवरील कपिल शर्माच्या COMEDY NIGHTS मध्येही असगर अलीला सतत  स्री वेषात दाखवलं जात हे टाळायला हव.
           सीमा रमेश देव ह्या जोडीची मुलाखतही प्रेक्षकांच्या पसंतीस उतरली पडद्यावरच्या साधी माणस सारखीच ह्या जोडीतले नवराबायकोचे साधेपण ,त्यांच्या लहानपणीच्या दिवाळीतल्या आठवणी भाजी बाजारातील सीमा देव ह्यांचे चाहते व त्यांचा संघर्ष ऐकताना त्यांना सहजासहजी यश मिळाल नाही हे जाणवलं.

सोने स्थीर चांदी स्वस्त

                                सद्या सोने चांदीच्या दरात चढ उतार होत असून सोने २६ हजाराच्या आसपास स्थिरावले आहे आतंरराष्ट्रीय बाजारात कच्या तेलाचे भाव उतरल्याने व सेन्सेक्सच्या दरात मोठया प्रमाणात वाढ झाल्याने त्याचा परिणाम सोन्याच्या दरावर झाला असून सोन्याचा दर २६०००च्याही खाली आला आहे सेन्सेक्सचे दर २८०००पर्यंत गेल्याने सोन्याचे दर कमी होत आहेत बरयाच वर्षानंतर सेन्सेक्सने २८०००पर्यंत उसळी मारल्यामुळे शेअर बाजारात आंनदाचे वातावरण आहे त्या मुळे सोन्यात पैसे गुंतविलेल्या गुंतवणूकदारांना जाणकार सोने विक्रीचा सल्ला देत आहेत आणि त्या मुळेही सोन्याचे दर उतरत आहेत शिवाय आतंराष्ट्रीय बाजरात सोन्याची विक्री होत असून त्याचाही परिणाम सोन्याच्या दरावर झाला असून सोन्याचे दर कमी होत आहेत.
कच्या तेलाचे दर गेल्या तीन वर्षानंतर प्रथमच इतक्या खाली आल्याचे जाणकार सांगतात कच्या तेलाचे दर आणखी कमी झाल्यास व रुपयाचा दर डॉलरच्या तुलनेत स्थिर राहिला तर सोन्याचे भाव डिसेंबर अखेरीस २४००० पर्यंत खाली येण्याची शक्यता जाणकार व्यक्त करत आहेत.
                              सोन्यापाठोपाठ चांदीही स्वस्त

                              चांदीचे दरही सोन्या पाठोपाठ कमी होत असून दिवाळीच्या दिवसात ४०-४१ हजारावर असलेले चांदीचे दर दिवाळी संपताच गेल्या दोन दिवसापासून ३९ ते ४० हजार पर्यंत उतरले आहेत तर आज चांदी ३५०००रु. पर्यंत उतरली असून चांदीचे दरही कमी होत आहेत चांदी अजूनही स्वस्त होण्याची शक्यता वर्तविण्यात येतेय. 

भाजी महागली

दिवाळी संपताच बाजारात भाजीचा तुटवडा जाणवत असून बाजारात भाजीचे भाव वाढले आहेत 

ह्या आठवडयात कोथिंबीर सर्वात महाग म्हणजे ५०रु. पाव किलॊ प्रमाणे विकल्या जात आहे तर बटाटे ,कांदे ४०रु. किलो ,मेथी २५ ते ३०रु. पाव किलो व इतर भाज्यांचे भावही ८० ते१००रु. किलोप्रमाणे वाढले आहेत बाजारात पालक कमी प्रमाणात विक्रीस आहे तर तुरीच्या शेंगाही विक्रीस आल्या असून त्यांचा भाव १५०-२००रु किलो आहे दरवर्षी दिवाळी नंतर कोथिंबीर(सांबार) व इतर पालेभाज्या बाजारात भरपूर प्रमाणात विक्रीस येतात ,त्यांचे भावही कमी असतात पण ह्या वर्षी उशिरा आलेल्या पावसामुळे भाज्यांचे दर वाढल्याचे भाजी विक्रेते सांगतात 

बाजारात संत्रीही विक्रीस आली असून नेहमीप्रमाणेच त्यांचा भाव ४०ते ८०रु. डझन असा आहे विशेष म्हणजे भाव जास्त असूनही संत्रीचा आकार मात्र लहान आहे गेल्या पाचसहा वर्षात संत्र्याचे भाव जास्त आणि आकार लहान अशी परिस्थिती असते संत्रीसाठी प्रसिद्ध असलेल्या व जास्त उत्पन्न असलेल्या यवतमाळ करांना मात्र मोठी व स्वस्त संत्री मिळत नाही  

निवडणुकीचा गदारोळ

निवडणूक जसजशी जवळ येतेय तसतसा प्रचाराचा जोर वाढतोय टी.वि. चानल्स दै.पेपर्स,रस्ते ,गावागावातल वातावरण निवडणूकमय झालय मागच्या वेळेस पक्षांची युती असल्यान निवडणूक सरळ,सरळ" नमो व्हर्सेस रागा "अशी होती शिवाय लोकांना बदल हवा होता त्या मुळे उत्साही वातावरण होत
पण ह्या वेळेस सर्व पक्ष स्वतंत्र निवडणूक लढवण्यास सज्ज झालेत जाहीर सभांमधून आपली इतक्या वर्षाची युती होती हे विसरून एकमेकावर आरोप, प्रत्यारोप करत दुषणे देऊ लागलेत लोकांना ह्या साऱ्यांचा वीट आलाय लोक आधीच भ्रष्टाचार ,चोरया ,लुटालूट ,महागाई,भारनियमन,नियमित पाणीपुरवठा व इतर समस्येने त्रस्त झालेत ,वैतागलेत पण ह्या साऱ्यावर कुरघोडी करत निवडणूक प्रचार मात्र जोरात सुरु आहे
दररोज राजरोसपणे कोट्यावधी रकमेची ने-आण सुरु आहे आणि मतदारांना वाटण्यासाठी नेल्या जात असल्याच्या संशयावरून ती रक्कम पकडल्याही जातेय पण हि रक्कम बँकेची आहे व्यवसायाची आहे, पक्षाची आहे असे सांगून सुटका करून घेतल्या जातेय सामान्य नागरिक मात्र सतत चोरया होत असताना कोट्यावधी रकमेची पोत्यातून होणारी ने-आण पाहून आवाक झालाय शिवाय माध्यमांनी कितीही भ्रष्टाचार उघड करून,गुंडांची गुंडगिरी प्रकाशझोतात आणली तरीही काहींना पक्षांनी तिकीट दिलय काहीतर जेलमधून निवडणूक लढवत आहेत अशा वेळेस मतदार मत कोणाला ध्यावे ह्या संभ्रमात न पडला तरच नवल!
ह्या वेळेसच्या निवडणूकीची आणखी नवलाची गोष्ट  म्हणजे रोजदारीवर मजूर आणल्यागत निवडणूक प्रचारासाठी कार्यकर्ते आणल्या जात आहेत तेही शंभर ते सात-आठशे रुपये रोज देऊन वर जेवण,नास्ता चहा फुकट!
एव्हढे करूनही कार्यकर्ते मिळत नाहीत म्हणून नेते त्रस्त आहेत अशा बातम्या वाचण्यात येताहेत हे कार्यकर्ते जिथे जास्त पैसे तिकडे आपला मोर्चा वळवत आहेत तर काहीजण त्याही वरताण सकाळी एका पक्षात तर दुपारी दुसरया पक्षाचा प्रचार करताना दिसतात अर्थात नेतेच जिथे पक्षाशी एकनिष्ठ नाहीत तिथे कार्यकर्ते कसे असतील?
काही ठिकाणी तर दारूही पकडण्यात आलीय दहा पंधरा वर्षापूर्वी काही नेते पैसे,दारू व सोबत मिठाचा पुडाही देत असल्याच काही कामकरी खाजगीत सांगत कारण खाल्या मिठाला जागाव म्हणून! पण हि युक्ती आता अशक्यच! नेत्यांच्या पैसे वाटपामुळे  कामकरी वर्ग मात्र  निष्क्रिय ,व्यसनी ,कर्जबाजारी झालाय आणि त्यांचा त्रास सामान्य नागरिकांना होतोय पण  नेते मात्र त्यांच्या अज्ञानाचा फायदा उठवतच  असतात
हे नेते निवडणुकीला उभे राहताच लोकांपुढे येतात सत्तेत असूनही आधी दिलेलं आणि पूर्ण न केलेलं आश्वासन विसरून पुन्हा नव्यान, नव्या जोशात मी हे करीन !ते करेन! अस आश्वासन देतात नियमित पाणीपुरवठा ,भारनियमन , महागाई ,रस्ते विकास(रस्त्यावरील खड्ड्यांचा विसर,पाडत)  व इतर समस्या दूर करण्यासाठीचे जाहीरनामे सादर करतात .जोरात प्रचार करतात रिक्षा मागून रिक्षे फिरतात. आणि  आता तर प्रचार हायटेक झालाय
प्रत्यक्षात हे नेते आपण आधी सत्तेत होतो हे मतदार जाणतात हे सोयीस्करपणे  विसरतात आणि  निवडूनआल्यावर गायब होतात मग  समस्या सोडवण ,विकास करण विसरून जातात अशांना मतदारांनी दिलेलं मत वाया जात तेव्हा अशा नेत्यांना मतदारांनी परत बोलवावं त्यांना राजीनामा द्यायला लावावा शिवाय आपला शब्द न पाळणाऱ्या नेत्याला परत बोलावण्यासाठी कायद्यातही कडक तरतुद करायला हवी.
जर एखादा नेता खरच कर्तुत्ववान असेल त्याने आपल्या मतदारसंघाचा विकास केला असेल ,समस्या सोडवल्या असतील भ्रष्टाचार केला नसेल तर त्याच काम हाच त्याचा प्रचार असू शकतो त्या साठी वेगळा प्रचार करावा लागत्त नाही ,रयालीसाठी ,सभेसाठी रोजदारीवर कार्यकर्ते आणावे लागत नाहीत हे सुज्ञ मतदार जाणतोच पण केवळ थोडया पैशासाठी आपल अमुल्य मत विकणाऱ्यांनी हे लक्षात ठेवावे
        

यवतमाळ येथील दुर्गोत्सव

 विधानसभेची निवडणूक जाहीर होताच राजकीय गदारोळ उडाला प्रत्येक पक्ष स्वतंत्रपणे निवडणूक लढवण्यासाठी वेगळा झालाय राजकीय घडामोडींना वेग आलाय तरीही यवतमाळ येथे दुर्गोत्सव उत्साहात साजरा होतोय दुर्गादेवी बसवणाऱ्या मंडळाचे प्रमाणही  दिवसेंदिवस वाढत चाललेय संध्याकाळी यवतमाळ विद्युत रोषणाईने झगमगून जात असून गावोगावहून देवी पाहण्यासाठी आलेल्या लोकांच्या गर्दीने रस्ता  फुलून गेला आहे. 

बालाजी चौक मंडळाने "White Temple" चा देखावा साकारला आहे. त्या साठी थर्माकोलचा वापर करून छतावर व बाजूला ग्यालरी  बनवून त्यावर आकर्षित सजावट केली आहे मूर्तीचे सिंहासन व सभामंडप चांदीने बनविले आहे

बालाजी चौक

बालाजी चौक

बालाजी चौक

रोषणाई

हितान्वेशी दुर्गादेवी मंडळ वर्ष २२वे 

नवशक्ती दुर्गोत्सव मंडळ

इथे जवळच असलेल्या गणपती मंदिरात वैष्णोमातेच्या मूर्तीसमोर २५१ अखंड ज्योत तेवत ठेवण्यात येतात व गरिबांसाठी रोज अन्नदान करण्यात येते.

अखंड ज्योत 

नवयुवक  दुर्गोत्सव मंडळ गणपती मंदिराजवळ


श्रीसमर्थ  दुर्गोत्सव मंडळ

श्री समर्थ दुर्गोत्सव मंडळाचे  हे आठवे वर्ष असून इथे  "शंकराचे तांडव" नृत्य हा चलतचित्र देखावा साकारण्यात आला असून अंबरनाथ येथिल कारागिरांनी जवळपास दीडदोन लाखाच्या भाडेतत्वावर हे चलचित्र उपलब्ध करून दिले आहे ह्या वर्षी झालेल्या "माळीण दुर्घटना" "क़ाश्मिर येथील पूर प्रलय" व नापिकीमुळे झालेल्या शेतकरी आत्महत्ये मुळे ह्या देखावा कुठलेही शुल्क न घेता मोफत पाहण्यासाठी  ठेवला आहे शिवाय "अवयव दान करा" असे आवाहन करणारा फलक लावला आहे समोर पाण्याच्या कारंज्याचे विहंगम दृश्य लोकांना आकर्षित करत आहे 

                                               कारंजे 

श्रीसमर्थ मंडळाने साकारलेला" शंकराचे तांडव नृत्य "हा चलचित्र  देखावा 

संगम शारदा दुर्गोत्सव मंडळाची हि विलोभनीय मूर्ती  

नवीन दुर्गोत्सव मंडळाने ह्या वर्षी विष्णू पुरणाचा चलचित्र देखावा सादर केला आहे हा देखावा लोकांना आकर्षित करत आहे शिवाय  विद्युत रोषणाई ने सजलेला "मेरी गो राउंड "लहान मुलांचे मनोरंजन करत आहे आजूबाजूला कपडे,खेळण्या व इतर वस्तूची दुकानेही थाटलेली असल्याने मंडळाला जत्रेचे स्वरूप आले आहे  आजूबाजूला फुगेवालेही फिरत आहेत .

                                       नवीन दुगोत्सव मंडळाची मूर्ती

                                         नवीन दुगोत्सव मंडळाचा"विष्णू पुराण" हा  चलचित्र देखावा  

राणी झासी दुर्गोत्सव  मंडळाची अप्रतिम मूर्ती 

राणी झासी मंडळ

राणी झासी मंडळ 

राणी झासी मंडळाचे हे ३१वे वर्ष असून इथल्या बंगाली नागरिकांनी देवीची मूर्ती ,तिचे लाकडी दागिने व वाजंत्री खास कलकत्त्या वरून बनवून आणली आहे मूर्ती अप्रतिम असून देवी समोर सतत ढोल वाजवण्यात येत आहे इथेही भाविकांसाठी मोफत जेवणाचे प्रसाद वाटप करण्यात येत आहे 

                                         मा जगदंबा दुर्गोत्सव मंडळ

मा जगदंबा दुर्गोत्सव मंडळाची झोपाळ्यावरील सुंदर मूर्ती

मा जगदंबा दुर्गोत्सव मंडलातील हरिणाची मूर्ती 

मा जगदंबा दुर्गोत्सव मंडळ

मां जगदंबा दुर्गोत्सव मंडळाने भव्यमंदिर  उभारले  असून त्याला टोपल्या ने सजवले आहे मंदिराच्या  बाहेर fiber च्या वन्य  प्राण्यांचा देखावा तयार केला आहे.मूर्ती झोपाळ्यावर विराजमान असून सुंदर आहे

सुभाष दुर्गोत्सव मंडळ वडगाव रोड

इथल्या मंडळाने ह्या वर्षी प्रवेश दाराजवळ मोहोंजोदाडो संस्कृतीची आठवण देणारा देखावा साकारला असून समोर वाळू व पोत्यांच्या साह्याने डोंगर तयार केले असून आजूबाजूला ममीच्या प्रतिकृती साकारल्या आहेत गुहेचा फील येण्यासाठी अंधारातून देवीपर्यंत जाण्याचा मार्ग गुहेसद्रुश बनवला असून दारात आदिवासीच्या रूपातला पहारेकरी येणाऱ्यांचे स्वागत करत आहे 

पोत्याच्या सहाय्याने तयार केलेले डोंगर व ममी 

ममी च्या प्रतिकृती 

सुभाष दुर्गोत्सव मंडळ  

आदिवासीच्या वेशातला पहारेकरी 

ह्या वर्षी दुर्गादेवी मंडळाचे प्रमाण वाढलेले असून एकाच भागात तीनचार देवी बसवलेल्या आहेत बहुतेक सगळ्याच मंडळा तर्फे दररोज  प्रसाद वाटप केल्या जात असून काही ठिकाणी फोडणीचा भात तर काही ठीकाणी पूर्ण जेवण दिल्या जात आहे शिवाय बरयाच ठिकाणी फराळाच्या पदार्थाची दुकानेहि थाटण्यात आली आहेत .

जयहिंद दुर्गोत्सव मंडळाचा सुशोभित मंडप 

जयहिंद दुर्गोत्सव मंडळाची दुर्गेची मूर्ती 

हनुमान भक्तीचा चलचित्र देखावा 

जयहिंद दुर्गोत्सव मंडळाचे हे सुवर्ण महोत्सवी वर्ष आहे ह्या वर्षी मंडळाने" हनुमान भक्ती"हा चलचित्र देखावा साकारला आहे हे चलचित्र मुंबई येथील कारागिरांनी बनविला आहे मंडळातर्फे दररोज प्रसाद वाटप होते शिवाय वेवेगळ्या कार्यक्रमाचे आयोजन केल्या जाते  1oct.ला राज्यस्तरावर निवड झालेल्या ११ वर्षीय श्रावणी पाचखेडे हिने योगाचे प्रात्यक्षिक सादर केले
All Photos  taken by -Pooja Duddalwar BE(soft.) BMC ((UTS)