नासाच्या Space X-Crew-3 चे चार अंतराळवीर पृथ्वीवर सुखरूप पोहोचले

 

अंतराळवीर Matthias Maurer अंतराळवीर Tom Marshburn अंतराळवीर Raja Chari आणि Kayla Barron Endurance Space X अंतराळयानातून पृथ्वीवर परतल्यानंतर -फोटो -नासा संस्था 

नासा संस्था -6 मे 

नासाच्या अंतराळमोहीम Space X -Crew -3 चे अंतराळवीर Raja Chari,Kayla Barron,Tom Marshburn आणि युरोपियन अंतराळवीर Matthias Mourer शुक्रवारी सहा मेला पृथ्वीवर सुखरूप पोहोचले आहेत हे चारही अंतराळवीर नोव्हेंबर 2021 मध्ये सहा महिन्यांच्या वास्तव्यासाठी अंतराळस्थानकात गेले होते आता स्थानकातील 175 दिवसांचा मुक्काम संपवून पृथ्वीवर परतले आहेत 

 हे चारही अंतराळवीर पाच तारखेला दुपारी 1.05 वाजता  स्थानकातून पृथ्वीवर येण्यासाठी निघाले आणि सहा तारखेला दुपारी 2.43 वाजता पृथ्वीवर परतले निघण्याआधी स्थानकात ह्या अंतराळवीरांचा फेअरवेल सेरेमनी आणि कमांड चेंज सेरेमनी पार पडला त्यावेळी सध्याचे कमांडर Tom Marshburn ह्यांनी कमांडर पदाची सूत्रे रशियन अंतराळवीर Oleg Artemyev ह्यांच्या हाती सोपिवली 

 

स्थानकातील कमांडर चेंज सेरेमनी दरम्यान अंतराळवीर Tom Marshburn स्थानकाची सूत्रे अंतराळवीर Oleg Artemyev ह्यांच्या हाती सोपवताना -फोटो -नासा संस्था

ह्या चारही अंतराळवीरांना घेऊन Space X चे Endurance अंतराळयान पृथ्वीच्या कक्षेत शिरताच पॅराशूटच्या साहाय्याने फ्लोरिडा येथील Gulf of Mexico ह्या खाडीत दुपारी 12.43 वाजता (स्थानिक वेळ )उतरले Space X Endurance खाडीत उतरताच Space X च्या Shannon recovery ship ची टीम त्वरित तेथे पोहोचली त्या मध्ये दोन फास्ट बोटींचा समावेश होता ह्या बोटींच्या साहाय्याने यानाला शिप पर्यंत आणून व्यवस्थित डेकवर चढवण्यात आले त्यानंतर Space X यानाचे दार उघडून अंतराळवीरांना यानातून बाहेर काढण्यात आले त्यांना पिण्यासाठी पाणीही  देण्यात आले तेव्हा अंतराळवीर राजा चारी ह्यांनी आता आम्हाला पाण्याच्या बाटलीचे वजन जाणवत आहे असे म्हटले पृथ्वीवर परतल्यानंतर सर्व अंतराळवीर आनंदित झाले होते रिकव्हरी टीम मधील डॉक्टरांनी ह्या अंतराळवीरांचे प्राथमिक चेकअप केले त्यानंतर ह्या अंतराळवीरांना नासाच्या विमानाने Johnson Space Center मध्ये नेण्यात आले 

नासाचे Administrator Bill Nelson ह्यांनी हे सर्व अंतराळवीर पृथ्वीवर सुखरूप परतल्यानंतर त्यांचे स्वागत केले आणि त्यांनी सहा महिने स्थानकात राहून केलेल्या संशोधनाबद्दल त्यांचे आभार मानले ते म्हणाले ह्या Space X च्या मोहिमेतील अंतराळवीरांच्या यशस्वी अंतराळप्रवासामुळे आणि स्थानकातील जाण्यायेण्यामुळे व्यावसायिक अंतराळउड्डाणांच्या सुवर्णयुगाची सुरवात झाली आहे 

अंतराळवीर Kayla Barron ,Raja Chari ,Marshburn आणि अंतराळवीर Maurer ह्यांनी त्यांच्या स्थानकातील 175 दिवसांच्या वास्तव्यादरम्यान 75,060792 मैलांचा अंतराळप्रवास केला असून त्या दरम्यान 2,832 वेळा पृथ्वीभोवती भ्रमण केले आहे 

अंतराळवीर Tom Marshburn हे तिसऱ्यांदा अंतराळस्थानकात राहायला गेले होते त्यांच्या तीन वेळच्या अंतराळ कारकिर्दीत त्यांनी स्थानकात 339 दिवस वास्तव्य केले आणि स्थानकाच्या तांत्रिक कामासाठी पाचवेळा स्पेसवॉक केला अंतराळवीर Raja Chari,Kayla Barron आणि Matthias Maurer ह्यांची मात्र हि पहिलीच अंतराळवारी होती अंतराळवीर Raja Chari आणि Kayla ह्यांनी त्यांच्या ह्या पहिल्या मोहिमेत स्थानकाच्या कामासाठी दोनवेळा स्पेसवॉक केला तर अंतराळवीर Matthias ह्यांनी एकवेळा स्पेसवॉक केला 

ह्या चारही अंतराळवीरांनी त्यांच्या सहा महिन्यांच्या स्थानकातील वास्तव्यात तेथे सुरु असलेल्या संशोधनात सहभाग नोंदवला त्यांनी स्थानकातील झिरो ग्रॅव्हीटीत Fibers कसे वाढतात Hydroponic आणि Aeroponic Technique वापरून माती आणि इतर ग्रोथ मटेरिअल्सचा वापर न करता झिरो ग्रॅव्हीटीत रोपे कशी वाढतात ह्या विषयी संशोधन केले शिवाय झिरो ग्रॅव्हीटीत मानवी शरीरांवर होणारे बदल व दुष्परिणाम ह्यांचे निरीक्षण नोंदवून त्यांचे सॅम्पल्स गोळा केले पृथ्वीवरील पर्यावरण रक्षण आणि वेगवेगळ्या मानवी रोगांवर अत्याधुनिक उपचार करण्यासाठी उपयुक्त संशोधनही केले