सोने सामान्यांच्या आवाक्याबाहेर सोन्याचे दर गगनाला

 31 ऑगस्ट
ऑगस्ट महिन्यात सोन्याचे दर गगनाला भिडले ह्या महिन्यात 27 तारखेला सोन्याने 40 हजारापर्यंत उसळी मारली सोन्या पाठोपाठ चांदीच्या दारातही सतत वाढ होत आहे अजूनही सोने 40 हजाराच्या आसपास आहे
अमेरिका आणि चीनचे व्यापार युद्ध ,डॉलरच्या तुलनेत रुपयाचे अवमूल्यन आणि त्याचाच परिणाम म्हणून आंतरराष्ट्रीय बाजारात वाढलेली सोने खरेदी ह्या मुळे हे भाव वाढल्याचे सांगण्यात येत आहे
आंतरराष्ट्रीय बाजारात सध्या सोन्याला गुंतवणूक म्हणून पसंती दिली जात असल्याने सोन्याची खरेदी वाढली आहे
भारतात आधीच सोन्यावर लावलेल्या अतिरिक्त आयात करामुळे सोन्याचे भाव वाढलेलेच होते त्यात आता आंतरराष्ट्रीय सोने खरेदीआणि रुपयाचे अवमूल्यन ह्याचा परिणाम होऊन सोन्याच्या भावात प्रचंड वाढ झाली ह्या आठवड्यात दोनदा सोन्याने 40 हजाराचा उच्चांक गाठला
सोनेवाढीचा परिणाम सोने खरेदीवर झाला असून सराफ बाजारात शुकशुकाट पाहायला मिळतोय आधीच सोन्याच्या वाढत्या भावामुळे लोकांनी खरेदीकडे पाठ फिरवली होती त्यात आता सोन्याच्या भावाने 40 हजाराच्या आसपास दराचा उच्चांक गाठल्याने सोने खरेदी आता सामान्यांच्या आवाक्याबाहेर गेली आहे सोन्याच्या वाढत्या भावासोबतच सततच्या चोऱ्यांनीही नागरिक त्रस्त झाल्याने सोने खरेदी मंदावली आहे
पाकीस्तानातही सोन्याच्या दरात वाढ झालीअसून सोन्याचे दर 90 हजारावर गेले आहेत
सोन्यापाठोपाठ आता चांदीच्या दरातही सतत वाढ होत आहे जुलैच्या अखेरीस चांदी कधी 37 तर कधी 38 हजारापर्यंत स्थिर होती गेल्या सहा महिन्यात चांदीचे भाव उतरलेलेच होते पण अचानक सोन्यापाठोपाठ चांदीच्या दरातही वाढ होऊ लागली आणि आता चांदीचे दर 46 हजाराच्याही वर गेले आहेत