Resilience अंतराळयान Florida उड्डाणस्थळावरून अवकाशात झेपावताना -फोटो नासा संस्था
नासा संस्था - 16 Nov
नासाचे Space X Crew Dragon 1 अंतराळ यान चार अंतराळवीरांना घेऊन स्थानकाच्या दिशेने रविवारी अंतराळात मार्गस्थ झाले गेल्या ऑक्टोबर महिन्यांपासून तीनवेळा ह्या अंतराळयानाच्या उड्डाणाची तारीख यानाच्या तांत्रिक कामासाठी पुढे ढकलण्यात आली होती आताही यानाचे उड्डाण शेवटच्या टप्प्यात असताना हवामान समाधानकारक नसल्याने 14 तारखे ऐवजी 15 तारखेला करण्यात आले आणि अखेर सर्व अडथळ्यांवर यशस्वी मात करीत अंतराळयान स्थानकाच्या दिशेने व्यवस्थित प्रवास करत आहे
नासाच्या फ्लोरिडा येथील केनेडी स्पेस सेंटर मधील 39A Launch Complex येथून रविवारी 15 तारखेला संद्याकाळी 7.27 वाजता Space X Crew Dragon 1 चार अंतराळवीरांसह अवकाशात झेपावले ह्या अंतराळ यानातून नासाचे अंतराळवीर Michel Hopkins,Victor Glover,Shannon Walker आणि जपानचे अंतराळवीर Soichi Noguchi हे चौघे स्थानकात राहण्यासाठी गेले आहेत ह्या यानाला अंतराळवीरांनी Resilience हे नाव दिले असून हे नाव कोरोना वॉरियर्स आणी ह्या कठीण काळात हि मोहीम यशस्वी करून असामान्य काम करणाऱ्या स्पेस X आणी नासा संस्थेतील सर्वांना समर्पित केले आहे Resilience यान Falcon 9 रॉकेटच्या साहाय्याने अंतराळात यशस्वीपणे झेपावताच नासा संस्थेतील सर्वांनी टाळ्या वाजवून आनंद व्यक्त केला फ्लोरिडातील उड्डाणस्थळी Resilience यानातील 299 फूट उंचीचे रॉकेट ऊड्डाणाच्या अखेरच्या क्षणी प्रचंड उष्णतेने प्रज्वलित झाले आणी अत्यंत वेेेगाने वातावरण भेदत अंतराळात झेपावले यानाने काही वेळातच प्रथम आणि द्वितीय चरण यशस्वीपणे पार केले त्या नंतर नियोजीत वेळी Resilience यान रॉकेट पासून वेगळे झाले आणि 27,000 प्रती तास इतक्या प्रचंड वेगाने स्थानकाच्या दिशेने मार्गस्थ झाले सध्या यान व्यवस्थित अंतराळ प्रवास करत असल्याचे अंतराळवीरांनी संस्थेशी काही वेळातच लाईव्ह संपर्क साधून सांगितले शिवाय त्यांना यानातील आतील दृश्यही दाखविले
जाण्याआधी ह्या चारही अंतराळवीरांची उड्डाणपूर्व तपासणी करण्यात आली आणि स्पेससूट घालून त्यात काही त्रुटी तर नाही ना ह्याची चाचणी करण्यात आली हे चारही अंतराळवीर अंतराळ स्थानकात जाण्यासाठी उत्सुक होते आणि उड्डाणाची आतुरतेने वाट पाहात होते पण सतत यानाच्या तांत्रिक दुरुस्तीमुळे ऊड्डाणाची तारीख लांबत होती पण ह्या काळात चारही अंतराळवीरांची टीम मैत्रीच्या नात्याने एकत्रित बांधल्या जात होती कुटुंबापासून दूर लॉक डाउन मुळे आम्ही आणखी जवळ आल्याचे आणि वाढलेल्या ट्रेनिंग काळ एन्जॉय करत असल्याचे त्यांनी साधलेल्या लाईव्ह संवादादरम्यान सांगितले होते अखेर यानाच्या सुरक्षित आणी यशस्वी उड्डाणामुळे तेही आनंदित झाले आहेत
Resilience यान सोमवारी 11 p.m. ला स्थानकात पोहोचेल यान स्थानकाच्या समोरच्या Harmony Module जवळ पोहोचताच यानाच्या स्वयंचलित यंत्रणेद्वारे यान आणि स्थानक एकमेकांशी जोडले जातील सद्या स्थानकात रहात असलेल्या Kate Rubins आणि सहकारी अंतराळवीर ह्या चार अंतराळवीरांचे स्थानकात स्वागत करतील हे चारही अंतराळवीर स्थानकात पोहोचल्यावर तेथे सुरु असलेल्या संशोधनात सहभागी होतील
ह्या यानाचे ऐतिहासिक उड्डाण पाहण्यासाठी अमेरिकेचे Vice President Mike Pence उड्डान स्थळापासून काही मैल अंतरावरील नासा संस्थेत उपस्थित होते त्यांनी Resilience यानाच्या यशस्वी ऊड्डानाचा आनंद व्यक्त करीत हि मोहीम यशस्वी केल्याबद्दल टिममधील सर्वांचे अभिनंदन केले
हा दिवस आमच्या साठी आणि जपानसाठी Great Day आहे असे मत नासाचे Administrator Jim Bridenstine ह्यांनी व्यक्त केले तर नासाच्या Human Exploration & Operation associate Administrator Kathy Lueder म्हणतात ह्या उड्डाणाची आम्ही सर्वजण आतुरतेने वाट पाहात होतो ह्या ऐतिहासिक उड्डाणाचे रोमांचक क्षण अनुभवण्यासाठी उत्सुक होतो हि मोहीम यशस्वी झाल्याचा आनंद सर्वांनीच टाळ्या वाजवून साजरा केला
ह्या यानाच्या उड्डाणापासून ते यानाच्या डॉकिंग पर्यंतचे लाईव्ह प्रक्षेपण नासा T.V. वरून करण्यात येणार आहे शिवाय मागच्या प्रमाणेच ह्याही वेळेस हौशी नागरिकांना नासा संस्थेतर्फे Space X Dragon च्या अंतराळप्रवासात व्हर्च्युअली सहभागी होण्याची आणि सहभागी नागरिकांची नावे नासा T.V. वर झळकावण्याची सुवर्ण संधी जाहीर कारण्यात आली होती त्याला उत्स्फूर्त प्रतिसाद मिळाला
No comments:
Post a Comment