यवतमाळातील दुर्गोत्सव

                    Video-पुजा दुद्दलवार BE(soft)& BMC

यवतमाळ -8 Oct.
दरवर्षी प्रमाणे यंदाही य वतमाळात दुर्गोत्सव उत्साहात साजरा झाला यंदा निवडणुकीची आचारसंहिता जाहीर झाल्याने दुर्गोत्सवातील राजकारण्यांचा सहभाग आणि खर्चावर नियंत्रण आल्याचे चित्र दुर्गादेवी पाहताना जाणवत होते
ह्या वर्षी देखील अनेक दुर्गा मंडळाने चलत चित्र देखावे सादर केले होते सुभाष क्रीडा मंडळाने यंदाही आकर्षक देखावा सादर केला होता डोंगराचा देखावा सादर करून आत गुहेत झोपाळ्यावर दुर्गादेवीची मूर्ती प्रतिष्ठापित करण्यात आली होती झोपाळ्यावरील झोका घेतानाची हि दुर्गादेवी नागरिकांना विशेष आकर्षित करत होती हा देखावा पाहण्यासाठी लोकांनी भरपूर गर्दी केली होती
बालाजी दुर्गोत्सव मंडळाने यंदा वैष्णोदेवीच्या मंदिराची प्रतिकृती साकारली होती त्या साठी पर्वताचा आभास निर्माण करून डोंगराळ मार्ग तयार केला होता त्यासाठी प्लायवूडचा वापर करून पायऱ्या तयार केल्या होत्या पण त्या चढताना खरोखरच सावधगिरी बाळगावी लागत होती (जागोजागी खिळे असल्यामुळे कदाचित वेळेअभावी काम लवकर आटोपल्यामुळे ) नागरिकांना डोंगरावर चढतानाचा आभास होत होता अर्ध्या वाटेवर अर्धकुमारी  आणि बाजूला हेलिकाफ्टरची प्रतिकृती साकारली होती तर गुहेत वैष्णोमाताची मूर्ती विराजमान होती ह्या मंडळाची दुर्गामातेची मूर्तीही आकर्षक होती गुहेत l.E D दिव्यांचा वापर करून ज्योतीचा आभास निर्माण केला होता लोकांनी हा देखावा पाहण्यासाठी खूप गर्दी केली होती
आर्णी रोड वरील लोकमान्य दुर्गा मंडळाने यंदा वृक्ष लागवड आणि बेटी बचाव हा संदेश देणारा देखावा सादर केला होता
नवीन दुर्गा उत्सव मंडळाने यंदा दुर्गादेवी समोर कुंभकर्ण वधाचा सुंदर लाईव्ह देखावा सादर केला होता त्या मुळे लोकांनी इथेही देवी पाहण्यासाठी गर्दी केली होती
या शिवाय आझाद दुर्गोत्सव मंडळाची गुहेतील निळसर प्रकाशातील दुर्गादेवीची मूर्ती समोरील शंकराची आकर्षक मूर्ती आणि भिंतीवरील कोरीव मुर्त्या लोकांना आकर्षित करत होत्या समोर सुदर कारंजे लोकांना आकर्षित करत होते
एकता दुर्गोत्सव मंडळाने देखील यंदा पर्यावणाचा संदेश देत वेताचा उपयोग करून सुंदर सजावट सादर केली होती
ह्या शिवाय यवतमाळात इतर ठिकाणच्या दुर्गा मंडळांनिही दुर्गादेवीसमोर आकर्षक देखावे सादर केले होते
नेहमीप्रमाणेच दुर्गामंडळातर्फे अन्नदानही करण्यात आले होते दुर्गादेवीच्या आजूबाजूला लागलेल्या खेळण्या आणि इतर वस्तूंच्या दुकानांमुळे दुर्गोत्सवाला जत्रेचे स्वरूप आले होते काही ठिकाणी दुर्गेच्या दर्शनासाठी रांगाही लागल्या होत्या