नासाचे ज्युनो अंतराळयान चार जुलैला गुरूच्या कक्षेत प्रवेशणार

              फोटो -नासा संस्था
नासा संस्था -6 जून
देशोदेशीच्या शास्त्रज्ञांची संशोधनात्मक यशस्वी कामगिरी अचंबित करणारी असून आता त्यांची अवकाशभरारी अवकाशातील एक,एक ग्रह पार करत गुरु ग्रहापर्यंत पोहोचली आहे
अमेरिकेच्याचा नासाचे ज्युनो अंतराळ यान चार जुलैला गुरु ग्रहाच्या कक्षेत पोहोचेल गुरु ग्रहापर्यंत पोहोचण्यासाठी ज्युनो अंतराळ यानाला तब्बल पाच वर्षांचा अंतराळ प्रवास करावा लागला
चार जुलैच्या संध्याकाळी जेव्हा गुरु ग्रहाच्या कक्षेत ज्युनो अंतराळ यान प्रवेश करेल तेव्हा प्रचंड वेग व उष्णतेमुळे तप्त झालेले त्याचे मुख्य इंजिन थंड होण्यास जवळपास अर्धा तास लागेल तोवर त्यामधून तप्त ज्वाळा जळत राहतील
ज्युनो यान गुरु कक्षेत प्रवेश करण्याआधी त्याचा वेग ताशी 1,212 मैल पर्यंत खाली आणेल व मगच गुरु ग्रहाच्या कक्षेत शिरेल आणि तिथेच स्थिरावेल
ज्युनो अंतराळ यान गुरूच्या कक्षेत वीस महिने राहील आणि गुरु भोवती फेरया मारेल आजवरच्या मोहिमेतील गुरु ग्रहाभोवती भ्रमण करणारे ज्युनो हे पहिलेच अंतराळ यान आहे
गुरूच्या कक्षेतील कार्यकाळात ज्युनो यान गुरु भोवती 37 फेरया पूर्ण करेल ह्या दरम्यान गुरु ग्रहाची रचना ,गुरुग्रहावरील चुंबकीय क्षेत्र , तिथले वातावरण व इतर बाबतीतली माहिती गोळा करेल
 ह्या अंतरीक्ष यान मोहिमेमुळे शास्त्रज्ञांना गुरु ग्रहावरील अनेक गूढ रहस्याची उकल होण्यास मदत मिळेल