सिग्नस स्पेस क्राफ्ट 14 जुनला अंतराळस्थानकातून पृथ्वीवर परतणार

                     फोटो -नासा संस्था
 नासा संस्था -12 जुन
अंतराळ स्थानकात गेलेले मालवाहु   A T K Cygnusस्पेस क्राफ्ट 14 जुनला अंतराळस्थानकातून पृथ्वीवर परतणार आहे  A T K Cygnus  हे मालवाहु मानव विरहीत अंतरीक्ष यान 26 मार्चला अंतराळ स्थानकात गेले होते. अंतराळवीरांना त्यांच्या संशोधनात्मक सायंटिफिक  250 हून अधिक प्रयोगासाठी लागणारे व अंतराळ वीरांना आवश्यक असलेले 7,500 पाउंड वजनाचे सामान अंतराळ स्थानकात पोहोचवून आता 14 जूनला सिग्नस अंतरीक्ष यान पृथ्वीवर परतणार आहे

14 तारखेला सकाळी साडेनऊ वाजता नासाचे अंतराळवीर टीम कोप्रा व इसाचे अंतराळवीर टीम पिक हे दोघे रोबोटिक हाताचा उपयोग करून व आवश्यक ते कमांड देऊन सिग्नसला अंतराळ स्थानकापासून विलग करतील त्या नंतर ते पृथ्वीकडे प्रयाण करेल नासा टी वी वरून 14 जुनला सकाळी 9.30 वाजता ह्याचे लाइव प्रक्षेपण केले जाणार आहे तर 15 जूनला सिग्नस अंतरीक्ष यानाला बाहेरून जोडलेले व विश्वातील हवामानविषयक माहिती देणारे पाच उपग्रहही अंतराळस्थानकातून अंतराळात सोडले जातील   

अंतराळ स्थानकापासून विलग झाल्यानंतर पाच तासांनी ह्या मालवाहू मानव विरहीत सिग्नस अंतरीक्ष यानात Saffire -1 हा नवा प्रयोग केल्या जाइल हा एक नवा वास्तववादी ज्वाळेचा प्रयोग असून तो अंतराळ स्थानकात करणे धोकादायक असल्याने आधी करणे शक्य नव्हते ह्या प्रयोगामुळे अंतराळात ,अत्यल्प गुरुत्वाकर्षणात प्रज्वलित झालेल्या ज्योतीचा आकार ,त्याची वाढ आणि त्या साठी लागलेले oxygen चे प्रमाण ह्या बाबतीतली उपयुक्त माहिती मिळेल ह्या माहितीचा उपयोग आगामी अंतराळ मोहिमेतील अंतराळ यानांसाठी कमी गुरुत्वाकर्षणात ज्वलनशीलतेची सीमा निर्धारित करण्यासाठी होईल 

22 जून पर्यंत सिग्नस अंतरीक्ष यान अंतराळात भ्रमण करेल तोवर त्याच्या इंजिनात दोनवेळा अग्नी प्रज्वलित होईल  आणि त्याच्या भ्रमण काळादरम्यान संशोधकांमार्फत आगीच्या ज्वलनशीलतेचा प्रयोग केल्या जाइल  पृथ्वीच्या कक्षेत शिरल्या नंतर प्रशांत महासागरावर त्याचा अग्नी प्रज्वलित होईल व विस्पोट होऊन यान नष्ठ केल्या जाइल

नासाच्या अंतराळ मोहीम 47 व 48 द्वारे कलेले Biology,Biotechnology,Earth Science व इतर अनेक वैज्ञानिक प्रयोग पृथ्वीवासियांसाठी तर महत्वपूर्ण ठरतीलच शिवाय आगामी मंगळ मोहिमेसाठीही उपयुक्त ठरतील