नासाच्या आर्टीमस II मोहिमेतील नाविन्यपूर्ण ZGI डिझाईन स्पर्धेतील विजेत्यांची निवड जाहीर

 

नासाच्या आर्टीमस II मोहिमेतील अंतराळवीर Jeremy Hansen अंतराळ वीर Victor Glover अंतराळवीर Reid Wiseman आणि अंतराळवीर Christina Koch-नासाच्या Kennedy Space Center -Florida येथे -फोटो -नासा संस्था

 

नासा संस्था - 29 ऑगस्ट

नासाची आर्टिमस II चंद्र मोहिम आता अंतिम टप्प्यात पोहोचली आहे लवकरच नासाचे चार अंतराळवीर चंद्रावर जाणार आहेत नासा संस्था नेहमीच वेगवेगळे ऊपक्रम राबवून नागरिकांनाही त्यात सहभागी होण्याची संधी देते अशाच अभिनव ऊपक्रमा अंतर्गत नासा संस्थेने सर्जनशील नागरीकांसाठी आर्टिमस मोहीमेतील अंतराळविरांना सोबत नेण्यासाठी नाविन्यपूर्ण Zero g indicator ची प्रतीकात्मक रचना बनविण्याची संधी उपलब्ध केली होती त्याला जगभरातील स्पर्धकांचा उस्फुर्त प्रतिसाद मिळाला आणि पन्नास देशातील 2,600 सर्जक नागरिकांनी नाविन्यपूर्ण  ZGI डिझाइन्स पाठविले त्यात शाळकरी मुलांसोबतच वेगवेगळ्या वयोगटातील नागरिकांचा समावेश आहे नासा संस्थेने आर्टीमस मोहिमेतील ह्या स्पर्धेतील ZGI बनविताना तो कमी वजनाचा छोट्या आकाराचा आणी नासा संस्थेने ठरवून दिलेल्या वस्तू पासून बनविलेला असावा तो अग्नी रोधक,अंतराळात नेण्यासाठी सोयीचा भरीव व नाविन्यपूर्ण आणि आकर्षक असावा शिवाय हा ZGI अंतराळ स्थानकात वरच्या बाजूला लवचिक धाग्याने लटकवता येण्याजोगा Strechable असणे आवश्यक आहे अशी अपेक्षा व्यक्त केली होती ह्या सर्व बाबीची पूर्तता पडताळून हि निवड नासा संस्थेतील तज्ञांनी केली आहे

आर्टेमिस II मोहिमे अंतर्गत नासाचे अंतराळवीर Reid Wiseman ,Victor Glover,Christina Koch आणि   कॅनडियन अंतराळवीर Jeremy Hanson चंद्रावर जाणार आहेत आणि तेथील भूमीवरील व भूगर्भातील संशोधित माहिती गोळा करणार आहेत हे चार अंतराळवीर आता ह्या पंचवीस ZGI पैकी एकाची निवड त्यांच्यासोबत चंद्रावर नेण्यासाठी करणार आहेत 

आर्टेमिस मोहिमेचे कमांडर Ried Wiseman म्हणतात,हा ZGI आमच्यासाठी स्पेशल आहे अंतराळयान कठीण हार्डवेअर आणि अत्याधुनिक यंत्रणेने भरलेले असते अंतराळयान अंतराळातील झिरो ग्रॅव्हीटीत प्रवेश करणार असल्याचे संकेत हा इंडिकेटर अंतराळवीरांना देतो त्यामुळे अंतराळवीर स्वत:ला शारीरिक इजा होऊ नये म्हणून काळजी घेऊ शकतात त्या मुळे अंतराळातील वजनरहित अवस्थेत तो आम्हाला संरक्षक मित्रासारखा वाटतो आम्ही आता जगभरातील सर्जक व्यक्तींनी बनविलेल्या ह्या वैशिष्ठपूर्ण डिझाईन पाहण्यासाठी आणि त्यातून आमच्यासोबत चंद्रावर घेऊन जाण्यायोग्य अंतिम एक ZGI निवडण्यासाठी उत्सुक आहोत

खेळणीच्या किंवा बाहुलीच्या आकारातील छोट्या स्वरूपातील ZGI अंतराळ मोहिमेतील अंतराळवीर पृथ्वीच्या गुरूत्वाकर्षणीय वातावरणातुन पृथ्वीची कक्षा भेदून अंतराळातील सुक्ष्म गुरुत्वाकर्षणीय वातावरणात प्रवेश करतात तेव्हा वातावरण बदलाचे संकेत देतात त्यामुळे अंतराळवीर स्वतःला आणि अंतराळयानाला हानी होऊ नये म्हणून काळजी घेऊ शकतात अंतराळयान अंतराळात प्रवेशल्यानंतर आठदहा मिनिटातच अंतराळवीर आणि ZGI यांच्या जागेवरून बाहेर ढकलल्या जातात आणि अंतराळात गुरुत्वाकर्षणच नसल्यामुळे सर्वच वस्तू तरंगतात त्यामुळे अंतराळवीर सीटच्या मागेपुढे कोठेही धडकू शकतात त्यांना इजा होण्याची शक्यता असते जेव्हा अंतराळयान रॉकेट पासून वेगळे होते आणि स्वयंचलित यंत्रणेने अंतराळात शिरते तेव्हा अंतराळवीरांना झिरो ग्रॅव्हिटीची जाणीव होते पण ह्या ZGI च्या सूचक संकेता मुळे ते सीटवरून बाहेर पडून स्वत:ला सुरक्षित ठेऊ शकतात शिवाय  ZGI मुळे अंतराळवीरांना अंतराळातील यानाची स्थिती,दिशा आणि अंतराळातील झिरो ग्रॅव्हीटीतील उंचीची माहिती मिळते

नासा संस्थेने प्रथमच आर्टेमिस मोहिमेत नागरिकांना सहभागी होत नाविन्यपूर्ण झिरो ग्रॅव्हिटी इंडिकेटर बनविण्याची संधी दिली होती ह्या निवडक डिझाइन्स नाविन्यपूर्ण आणि संशोधात्मक आहेत काही डिझाइन्स पृथ्वीवरील प्राण्यांच्या स्वरूपातील चंद्राशी संबंधित दृष्टीकोनांचा वापर करून कल्पकतेने बनविल्या आहेत अंतिम निवडक स्पर्धकांमध्ये युनायटेड स्टेटस,कॅनडा,कोलंबिया,फिनलंड, फ्रान्स,जर्मनी जपान,पेरू सिंगापूर आणि वेल्स सह दहा देशातिल नागरिकांचा त्यात समावेश आहे

ह्या आधीच्या आर्टीमस I मानव विरहित मोहिमेत Orion अंतराळयानासोबत Snoopy Doll ZGI चंद्रावर पाठवण्यात आली होती आणि त्याही आधी नासाच्या अंतराळ मोहिमेतील अंतराळवीरांनी अंतराळ स्थानकात जाताना ZGI सोबत नेले होते अंतराळवीर Reid Wiseman ह्यांनी सोयूझ अंतराळयानातून जिराफाच्या स्वरूपातील ZGI सोबत नेला होता त्यांच्या आईने तो त्यांच्या मुलीला आणि मुलींनी त्यांना अंतराळस्थानकात नेण्यासाठी दिला होता आणि अंतराळ प्रवासात आणि स्थानकातील वातावरणात हा जिराफ कसा प्रतिसाद देतो हे पाहण्यासाठी त्या उत्सुक होत्या अंतराळवीर Christina Koch ह्यांनी देखील नासाच्या अंतराळ मोहिमेत स्थानकात जाताना त्यांच्या टीम मधील मित्रांची आठवण म्हणून Ball च्या आकारातील ZGI सोबत नेला होता काही अंतराळ मोहिमेतील अंतराळवीरांच्या मुलांनी देखील वेगवेगळ्या खेळणीच्या स्वरूपातील ZGI स्वतः तयार केले होते 

आता ह्या निवडक पंचवीस स्पर्धकातून आर्टेमिस मोहिमेतील अंतराळवीरांनी अंतिम स्पर्धकाची निवड करून त्यांच्यासोबत नेण्यासाठी एक ZGI निवडल्यानंतर त्याच्यावर अंतिम शिक्कामोर्तब होईल त्या नंतर नासाच्या Tharmal Blanket Lab मध्ये हा ZGI बनविण्यात येईल आणि अंदाजे दहा दिवसांच्या आर्टेमिस मोहिमेतील अंतराळवीरांसोबत तो चंद्रावर प्रवास करेल आणि त्यांच्यासोबत पृथ्वीवर परतेल  

नासाच्या Space X Crew -10 मोहिमेतील अंतराळवीर Anne ,Nicole ,Onishi आणि Kirill पृथ्वीवर परतले

 

 Space X Crew Dragon अंतराळवीरांसह Pacific महासागराच्या San Diego येथील समुद्राच्या खाडीत उतरताना -फोटो -नासा संस्था

 नासा संस्था - 9 ऑगस्ट

नासाच्या Space X Crew -10 मोहिमेतील अंतराळवीर Anne  McClain ,NicoleAyers जपानी अंतराळवीर Takuya Onishi आणि रशियन अंतराळवीर Kirill Peskov स्थानकातील 148 दिवसांच्या वास्तव्यानंतर सुखरूप  पृथ्वीवर परतले आहेत हे चारही अंतराळवीर आठ तारखेला  संध्याकाळी 6.15 वाजता (स्थानिक वेळ)  पृथ्वीवर येण्यासाठी स्थानकाबाहेर पडले आणि नऊ तारखेला सकाळी 11.33 वाजता (स्थानिक वेळ) पृथ्वीवर पोहोचले ह्या चारही अंतराळवीरांसह Space X Dragon शनिवारी पॅराशूटच्या साहाय्याने अमेरिकेतील  Pacific महासागराच्या San Diego येथील समुद्राच्या खाडीत खाली उतरले 

हे सर्व अंतराळवीर पृथ्वीवर परतल्यानंतर Space X ची रिकव्हरी टीम,रिकव्हरी जहाज आणि दोन फास्ट बोटींसह तेथे पोहोचली त्यांनी क्रेनच्या साहाय्याने Dragon ला जहाजापर्यंत आणून सुरक्षितपणे जहाजाच्या डेकवर ठेवले त्या नंतर टीममधील डॉक्टरांनी त्यांचे प्राथमिक चेकअप केल्यानंतर टीममधील सदस्यांनी ह्या अंतराळवीरांना उचलून Dragon बाहेर काढले ह्या अंतराळवीरांना पुढील चेकअप साठी रिकव्हरी मेडिकल कॅम्प मध्ये नेण्यात आले त्या नंतर नासाच्या विमानाने त्यांना नासाच्या Huston येथील संस्थेत पोहोचवण्यात आले 

निघण्याआधी स्थानकात ह्या अंतराळवीरांचा नासा संस्थेच्या लाईव्ह संपर्कात Farewell Ceremony आणि Change of Command Ceremony पार पडला तेव्हा अंतराळवीरांनी त्यांचे मनोगत व्यक्त केल 

 

नासाच्या मोहीम 73 चे अंतराळवीर स्थानकातील Space X -10 मोहिमेतील अंतराळवीरांच्या Farewell आणि Change of Commamd  ceremony दरम्यान -फोटो नासा संस्था

Anne -"आम्ही आता इथले वास्तव्य संपवून पृथ्वीवर परतत आहोत ह्या स्थानकात वास्तव्य करून संशोधन करण्याची संधी दिल्याबद्दल दोन्ही संस्थेचे आभारी आहोत आम्ही विचार करत होतो कि पुन्हा आम्हाला इथे एकत्रित येण्याची संधी मिळेल ना मिळेल  पृथ्वीवर कठीण परिस्थिती असताना लोक एकमेकांशी भांडत असताना आपण सर्वजण आनंदाने एकत्रीत वास्तव्य करून संशोधन करत आहोत स्थानकात विविध देशातील अंतराळवीर एकत्रीत वास्तव्य करून पृथ्वीच्या,मानवाच्या विकासासाठी अत्याधुनिक संशोधन करतात शोध लावतात हि खूप वैशिष्टपूर्ण बाब आहे गेल्या पंचवीस वर्षांपासून स्थानकात सतत अंतराळ मोहिमेतील अंतराळवीरांची येजा सुरु असते आम्ही ह्या मोहीमेचा छोटा भाग आहोत चाळीस वर्षांपूर्वी आता सारखीच परिस्थिती असताना काही सर्जनशील वृत्तीच्या शास्त्रज्ञांनी अंतराळातील स्थानकाची कल्पना मांडली तेव्हा अनेकांना हे काम अशक्य वाटल होत पण काही दूरदर्शी व्यक्तींनी त्यावर विश्वास ठेवला आणि सर्वांनी एकत्र येऊन सहभागी देशांच्या सहकार्याने सर्व देशातील शास्त्रज्ञ,तंत्रज्ञ आणि इंजिनीअर्सनी मिळून अशक्य वाटणाऱ्या अंतराळातील स्थानकाची निर्मिती केली आम्ही मोहीम 10 मधील अंतराळवीर ह्या सर्वांसोबत गेल्या चार महिन्यांपासून एकत्र रहात आहोत आणि नासा संस्थेतील सर्व देशातील टीम प्रमुख आम्हाला दररोज मार्गदर्शन करत होते आणि हे शक्य करीत होते ह्या मानवतावादी दृष्ठीकोनामुळे एकत्रीत वास्तव्य करून एकमेकांच्या चांगुलपणाच्या साथीने हे संशोधन करता येऊ शकते ह्या वर विश्वास बसू शकला आम्ही अशाच सर्वांचे प्रतिनिधित्व करतो त्या साठी नासा संस्थेतील सहभागी सर्वांचे आमच्या कुटूंबियांचे आणि मित्रांचे आभार त्यांनी प्रेरित केल्यामुळेच आम्ही इथे येऊ शकलो धन्यवाद!"

Nicole - "Anne च्या ह्या सुंदर शब्दाबद्दल आभार ,स्थानकातून पृथ्वीवर परतताना मी भावनावश झालेय आता विचार करताना जाणवत नासा संस्थेने आम्हाला दिलेली हि संधी किती अमूल्य आहे इथल्या अद्भुत वातावरणात प्रवेश करताना वास्तव्य करताना इथून पृथ्वीच अलौकिक सौदर्य पाहतानाचे क्षण अविस्मरणीय आहेत इथे ह्या अंतराळवीरा सोबत वास्तव्य करताना संशोधन करतानाचा काळ हास्यविनोदात खूप मजेत गेला त्या साठी ह्या टीमचे आभार पृथ्वीवर परतल्यानंतर ह्या सर्वांची आठवण येईल मी तिथून स्थानक आता कुठे आहे ते पाहीन नासा संस्थेने दिलेल्या ह्या संधीबद्दल सर्वांचे आभार !"

Kirill -"इथे ह्या सर्वांसोबत वास्तव्य करताना संशोधन करताना दिवस आनंदात गेले त्या बद्दल सर्वांचे आभार नासा संस्थेने आम्हाला इथे येण्याची हे अद्भुत वातावरण अनुभण्याची आणि पृथ्वीसौन्दर्य पाहण्याची संधी दिल्याबद्दल संस्थेचे आभार टीममधील सर्वांच्या अथक परिश्रमामुळे हे शक्य झाले ह्या अंतराळ मोहिमा अशाच सुरु राहोत हीच सदिच्छा !

Onishi -आज ह्या दोन्ही समारंभात बोलतानाचा आणि ह्या मोहीम 73 मधील अंतराळवीरांना सोडून जातानाचा क्षण सुखदुःखाचा आहे आता घरी परतण्याची वेळ झालीय ह्या वर विश्वास बसत नाहीय ह्या सर्वांसोबतचा काळ आनंदात गेला मला Huston संस्थेतील Flight Director Nicole Maloy ह्यांचे विशेष आभार मानावयाचे आहेत त्यांच्या उत्कृष्ट लीडरशिप बद्दल त्यांनी नियोजनात बदल करून हि मोहीम विकासात्मक,सुविधाजनक आणी यशस्वी केली Nicole तुझ्या उत्साही पॅझिटिव्ह विचारांचा सर्वावर प्रभाव पडला तू इथले वातावरण आनंदी ठेवलेस तुझयासारख्या  चांगल्या खेळकर व्यक्तिमत्वाची इथे खूप गरज असते Johnny तु खूप मेहनती आहेस ह्या आधी मी तुझ्यासारखी व्यक्ती पाहिली नव्हती पुढच्या सेगमेंट साठी तुझ्यावर शंभर टक्के विश्वास आहे मला तुझ्याशी बोलताना आनंदी वाटायच कारण तू हसतमुख असतोस आणि नेहमी विनोद करतोस त्या मुळे तुझ्यासोबतचे लोक आनंदी होतात तुझ्या मित्रत्वाबद्दल आभार ! नासा संस्थेतील सर्वांचे आभार ह्या वेळी Onishi ह्यांनी स्थानकाची सूत्रे Sergey ह्यांच्या हाती सोपविली तेव्हा अंतराळवीरांनी घंटा वाजवून त्यांचे स्वागत केले Sergey ह्या मोहिमेतील नेतृत्वाबद्दल आभार आपण खूप गप्पा मारल्या आणि नेहमी एकमेकांना मदत केली अनेक आव्हानात्मक प्रसंगावर मात केली आता तुम्ही सर्वजण आनंदात संशोधन करा ह्या मोहीम 73 च्या दुसऱ्या भागाचे नेतृत्व मी आता योग्य हाती सोपवत आहे इथे खूप साऱ्या गोष्टी मिळत नाहीत पण अनेक अशा गोष्ठी मिळतात ज्या पृथ्वीवर मिळत नाहीत स्थानकात केल जाणार संशोधन पृथ्वीवर करता येत नाही ते सुरु ठेवा 

Sergey -Thanks ! आपल्या मोहीम 73ची सुरवात अपोलो च्या पन्नासाव्या वर्धापन दिनी झाली आपण सर्वांनी स्थानकात एकत्र तो दिवस साजरा केला अंतराळस्थानकाचाही पंचविसावा वर्धापनदिन साजरा केला पृथ्वीवरील इतिहास पाहिला तर लोक एकमेकांसोबत सहकार्याने राहात नाहीत पण इथे स्थानकात एकिच स्वरूप पाहायला मिळत सर्वजण एकत्रित वास्तव्य करून संशोधन करतात ह्या चार महिन्यांच्या आनंदी वास्तव्याबद्दल आभार आता तुम्ही पृथ्वीवर सुखरूप पोहोचावे हि सदिच्छा! आम्ही नक्कीच हे संशोधन सुरु ठेवू आणि आनंदात हास्यविनोदात वास्तव्य करून हि मोहीम यशस्वी करू ! 

त्या नंतर सर्वांनी एकमेकांचा निरोप घेतला आणि अंतराळवीर पृथ्वीवर येण्यासाठी स्थानका बाहेर पडले

Blue Origin NS -34 मोहिमेतील सहा प्रवासी अंतराळ पर्यटनावरून परतले

 

 Blue Origin NS-34  मोहिमेतील अंतराळ पर्यटक Deborah Martorell अंतराळातून परतल्यानंतर -फोटो -Blue Origin

 Blue Origin -3 ऑगस्ट

Blue Origin च्या NS -34 मोहिमेतील सहा अंतराळ प्रवासी तीन ऑगस्टला अंतराळ पर्यटन करून परतले ह्या सहा प्रवाशांमध्ये भारतीय वंशाचे Arvinder Bahal ,Gokhan Erdem ,Deborah Martorell ,Lionel Pitchford ,JD Russelआणि H.E.Justin Sun ह्यांचा समावेश होता

व्यावसायाने रियल इस्टेट गुंतवणूकदार असलेले ऐशी वर्षीय अरविंदर मूळचे आग्र्याचे रहिवासी पण नंतर अमेरिकेत स्थायिक झाले ते खाजगी पायलट आणि हेलिकॉप्टर चालक आहेत ते साहसी आहेत यांनी जगातील अनेक देशांना भेट दिली आहे त्यांनी South Pole ,North Pole ,Mount Everest आणि गिझाच्या पिरॅमिड येथे स्काय डायविंग केले आहे

Gokham -तुर्की उद्योगपती,ऊर्जा,दूरसंचार,बांधकाम आणि उत्पादन क्षेत्रात कार्यरत आहेत ते फोटोग्राफरही  आहेत त्यांना अंतराळाचे आकर्षण आहे त्यांना स्थानकात वास्तव्य करून संशोधन करण्याची आणि दूरवरच्या ग्रहावर जाण्याची इच्छा आहे 

Deborah -Puerto Rican Meteorologist ,Journalist आहेत त्यांना पर्यावरण आणि अंतराळ विश्वातील रिपोर्टींग साठी अमेरिकन मेटेरॉलॉजिकल सोसायटी तर्फे आठवेळा एमी पुरस्कार आणि उत्कृष्ट सायन्स रिपोर्टींग साठी दोन वेळा पुरस्कार मिळाला आहे त्यांना अंतराळ विश्वाची आवड असल्यामुळे त्यांनी 2007 मध्ये नासाच्या ZERO-G उड्डाणात भाग घेतला होता त्यांनी प्युर्टोरिकन अंतराळवीर Joe Acaba आणि Marcos Berrios ह्यांचे रिपोर्टींग केले होते शिवाय STS-119 ,Artemis-1आणि प्युर्टोरिकोच्या Nano Satellite प्रक्षेपण मोहिमेचे देखील रिपोर्टींग केले त्या नासाच्या JPLमध्ये कार्यरत आहेत 

Lionel -मुळचे इंग्रज सध्या स्पेन मध्ये शिक्षक,अनुवादक आणि टुरिस्ट गाईड आहेत 1992 मध्ये कुटुंबियांचे अपघाती निधन झाल्यानंतर त्यांनी त्यांच्या स्मरणार्थ काठमांडूत अनाथाश्रमाची स्थापना केली त्यांना अंतराळ उड्डाणाची आवड आहे आणि सामान्य नागरिकाला ते शक्य आहे ह्याचे त्यांना आश्चर्य वाटते 

J D Russel- मालिका उद्योजक,तंत्रज्ञान विषयक व्हेंचर कॅपिटल कंपनी,अल्फा फंड आणि Aerospace Aerospace consulting & solution co.चे संस्थापक त्यांच्या मुलीच्या स्मरणार्थ Victoria Russel Foundation ची स्थापना त्यांनी ह्या आधी 22 नोव्हेंबर 2024 मध्ये पहिल्यांदा तिकीटाची बोली जिंकून अंतराळ उड्डाण केले होते 

Jastin - Grenedaचे राजदूत आणि Who चे स्थायी सदस्य आहेत Blackchain TRON चे Founder,अलीबाबा Jack Ma चे शिष्य आहेत त्यांच्या उत्कृष्ट लीडरशिप आणि कार्यामुळे त्यांना Forb च्या ग्राहक तंत्रज्ञान विषयक तीस वर्षाखालील तिस कर्तबगार यशस्वी ऊद्योजकांच्या यादित अनेक वेळा स्थान मिळाले त्यांना लहानपणापासूनच अंतराळाचे आकर्षण आणि अंतराळ उड्डाणाची इच्छा आहे 34 वर्षीय Jastin अब्जाधीश आहेत

  

  Blue Origin NS -34 मोहिमेतील अंतराळ प्रवासी अंतराळ पर्यटनासाठी निघताना -फोटो -Blue Origin

Blue Origin च्या West Texos येथील उड्डाणस्थळावरून New Shepard अंतराळयानातून हे सर्वजण अंतराळ पर्यटनास गेले होते तीन तारखेला सकाळी 7.30 (स्थानिक वेळ) मिनिटाला हे सहाही पर्यटक अंतराळ पर्यटनास निघाले आणि  दहा बारा मिनिटात अंतराळ आणि पृथ्वी ह्यांची सीमारेषा भेदून karman line पर्यंत पोहोचले  अंतराळातील झिरो ग्रॅव्हीटीत पोहोचताच त्यांनी अंतराळातील झिरो ग्रॅव्हीटीत तरंगण्याचा अद्भुत अनुभव  घेतला सर्वांनी यानाच्या खिडकीतून  पृथ्वीदर्शन घेतले तेव्हा अमेझिंग !Beautiful Earth ! Oh My God !This is Great ! आपण खरेच अंतराळात पोहोचलो!  अशा  उत्स्फूर्त प्रतिक्रिया व्यक्त केल्या Jastin ह्यांनी त्यांचा लहानपणीचा फोटो दाखवून मॉम Dad मी अंतराळात पोहोचलो अशी प्रतिक्रिया व्यक्त केली काही क्षणाचा अद्भुत अनुभव घेऊन सर्वजण पृथ्वीवर परतले तेव्हा सर्वजण निशब्ध आणि आनंदीत झाले होते प्रतिक्रिया व्यक्त करताना Deborah म्हणाल्या मला शब्ध सुचत नाहीत खूप सुंदर अनुभव होता

ह्या सर्वांना Blue Origin तर्फे अंतराळवीर झाल्याचे सर्टिफिकेट आणि त्यांची कर्तृत्व वैशिष्ठे कोरलेला patch देण्यात आला 

 ह्या यशस्वी पर्यटनानंतर New Shepard चे वरिष्ठ उपाध्यक्ष Phil Joyce म्हणतात ,ह्या उड्डाणात वेवेगवेग्ळ्या देशांचे प्रतिनिधित्व करणारे मान्यवर कर्तृत्वान नागरिक सहभागी झाले हा आमचा बहुमान आहे अंतराळातून पृथ्वीदर्शन करताना एकात्मतेचे दर्शन घडते हे पाहून आनंद होतो आता ह्या अनुभवाचा पृथ्वी विकासासाठी कसा उपयोग करतात हे पाहण्यासाठी आम्ही उत्सुक आहोत 

नासाच्या Space X Crew- 11 अंतराळ मोहिमेतील चार अंतराळवीर स्थानकात पोहोचले

 

 नासाच्या Space X Crew-11अंतराळ मोहिमेतील अंतराळवीर स्थानकात पोहोचल्यानंतर एकमेकांशी संवाद साधताना -फोटो -नासा संस्था 

नासा संस्था - 2 ऑगस्ट

नासाच्या Space X Crew- 11अंतराळ मोहिमे अंतर्गत नासाची अंतराळवीर Zena Cardman अंतराळवीर Mike Fincke जपानचे अंतराळवीर Kimiya Yui आणि रशियन अंतराळवीर Oleg Platonov सहा महिन्यांच्या वास्तव्यासाठी स्थानकात गेले आहेत हे चारही अंतराळवीर गुरुवारी 31 जुलैला स्थानकात जाणार होते पण हवामान उड्डाणासाठी अनुकूल नसल्यामुळे हे अंतराळवीर एक दिवस उशिराने एक ऑगस्टला स्थानकाच्या दिशेने मार्गस्थ झाले  

नासाच्या Kennedy Space center मधील 39 A ह्या ऊड्डाण स्थळावरून सकाळी 11.43 वाजता Space X Crew Dragon ह्या अंतराळविरांसह अंतराळात झेपावले ह्या मोहिमेत अंतराळवीर Zena Cardman ह्यांनी कमांडर पद Mike Fincke  ह्यांनी पायलटपद सांभाळले तर अंतराळवीर Kimiya yui आणी अंतराळवीर Oleg Platonov ह्या दोघांनी मिशन स्पेशालिस्ट पद सांभाळले  

Falcon 9 राँकेटच्या सहाय्याने अंतराळात झेपावल्यानंतर काही वेळातच Dragon मधील नियोजित प्रक्रिया पार पडल्या आणि  स्वयंचलित यंत्रणा कार्यरत झाली Dragon राँकेट पासुन वेगळे झाले आणी अत्यंत वेगाने स्थानकाच्या दिशेने मार्गस्थ झाले ह्या अंतराळप्रवासा दरम्यान हे अंतराळवीर नासाच्या Florida येथील Johonson Space Center मधील टीम प्रमुखांच्या लाईव्ह संपर्कात होते

 

नासाच्या Space X 11अंतराळ मोहीमेतील अंतराळवीर Oleg Platonov अंतराळवीर Mike Fincke अंतराळवीर Zena Cardman आणि Kimiya Yui -फोटो -नासा संस्था

शनिवारी दुपारी 2.27 वाजता (स्थानिक वेळ) Dragon स्थानकाजवळ पोहोचले त्या नंतर स्वयंचलित यंत्रणेने स्थानक आणि  Space X Dragon ह्यांच्यातील Docking आणि Hatching  प्रक्रिया पार पडली अंतराळवीरांनी स्थानकात प्रवेश करण्याआधी Dragon मधील लिकेज व इतर यंत्रणा तपासली त्यांनी त्यांचे स्पेससूट चेंज केले दुपारी 3.46 वाजता अंतराळवीरांनी स्थानकात प्रवेश केला तेव्हा स्थानकातील अंतराळवीर Anne McClain ,Nicole Ayers ,Jony Kim आणि Takuya Onishi ह्यांनी स्थानकात त्यांचे स्वागत केले 

स्थानकात प्रवेश केल्यानंतर काही क्षण ह्या अंतराळवीरांनी एकमेकांशी बातचीत केली त्या नंतर थोड्या वेळाने स्थानकातील सर्व अंतराळवीर एकत्र जमले आणि नासाच्या लाईव्ह संपर्कात ह्या अंतराळवीरांचा Welcome Ceremony पार पडला त्यावेळी स्थानकाचे सध्याचे कमांडर Takuya Onishi ह्यांनी ह्या अंतराळवीरांचे स्वागत केले," आता तुम्हाला आमच्या सोबत काम करावयाचे आहे सध्या स्थानकात खूप काम आहे Mike आणी Kimiya तुमचे स्थानकात पुन्हा स्वागत तुमच्या पुर्वानुभवाचा आम्हाला फायदा होईल मोहीम 73 मध्ये तुमचे स्वागत ! असे म्हणत त्यांनी ह्या अंतराळवीरांना स्थानकात पोहोचल्यानंतरची त्यांची प्रतिक्रिया व्यक्त करण्यास सांगितले !"

अंतराळवीर Zena म्हणाल्या," मी खरेच निशब्ध झालेय पहिल्यांदाच अंतराळ प्रवास करून स्थानकात पोहोचले तुमच्या स्वागताने भारावून गेले तुमचे आभार हे स्थानक इथल वातावरण अमेझिंग आहे त्या साठी ह्या माझ्या सहकारी मित्रांचे देखील आभार त्यांच्या सोबतचा प्रवास छान होता इथे येण्याची संधी दिल्याबद्दल नासा आणि Space X चे आभार आता सर्वांसोबत संशोधन करताना मजा येईल !'

Mike -,"मी चवथ्यांदा स्थानकात प्रवेश केला तेव्हा पुन्हा ह्या अंतराळातल्या माझ्या घरी आल्याचा आनंद झाला इतक्या वर्षात अंतराळवीरांनी हे स्थानक छान सांभाळले आहे आता आपण काळजी घेऊ Takuya तुमच्या स्वागताबद्दल आभार आता मिळून संशोधन करण्याची संधी मिळालीय आधीपेक्षा उत्कृष्ट करण्याचा प्रयत्न करेन ह्या मोहीम 10 मधील अंतराळवीर लवकरच पृथ्वीवर पोहोचणार आहेत त्यांचे नातेवाईक त्यांची वाट पाहात आहेत त्यांना सुरक्षित पृथ्वीवर पोहोचण्यासाठी शुभेच्छा !

Kimiya -तुम्हा सर्वांनी आनंदाने आमचे स्वागत केले त्या बद्दल आभार !आता तुम्हा मोहीम 73 मधील अंतराळवीरांसोबत इथे संशोधन करणार आहे मी उत्कृष्ठ काम करण्यासाठी प्रयत्न करेन ह्या 11 अंतराळवीरांसोबत वास्तव्य करताना संशोधन करताना मजा येईल

Oleg -"माझ्याही अशाच भावना आहेत तुमच्या उत्साही स्वागताबद्दल आभार ! पहिला अंतराळ प्रवास,स्थानक इथल वातावरण पाहून आश्चर्यचकित झालोय असे म्हणत त्यांनी रशियावासीयांशी रशियन भाषेत संवाद साधत सर्वांचे आभार मानले !"

अंतराळवीर Zena आणी Oleg हे प्रथमच स्थानकात वास्तव्यास गेले आहेत अंतराळवीर Mike चवथ्यांदा स्थानकात वास्तव्यास गेले आहेत तर Kimiya दुसऱ्यांंदा स्थानकात वास्तव्यास गेले आहेत हे सर्वजण आता एकत्रित स्थानकात सुरु असलेल्या संशोधनात सहभागी होतील लवकरच मोहीम 11मधील अंतराळवीर पृथ्वीवर परतणार आहेत

ह्या अंतराळविरांच्या launching आणी स्थानकातील प्रवेशाचे लाईव्ह प्रसारण नासा टि.वी वरुन करण्यात आले होते आणी हौशी नागरिकांना Virtual guest म्हणून ऊपस्थित रहाण्याची संधीही देण्यात आली होती