नासाच्या Artemis II मोहिमेसाठी चार अंतराळवीरांची नावे घोषित

 

नासाच्या आर्टेमिस-II मोहिमेतील सहभागी अंतराळवीर Christina Koch,Reid Wiseman,Victor Gloverआणि कॅनडाचे अंतराळवीर Jeremy Hanson-फोटो नासा संस्था

नासा संस्था -3 मार्च

अमेरीकेची बंद पडलेली चांद्रमोहिम पन्नास वर्षांनी पुन्हा सुरू झाल्यानंतर आणी आर्टिमस-l मोहिमेच्या  यशस्वीतेनंतर नासाने आता आर्टिमस-ll मोहिमेची जय्यत तयारी सुरू केली आहे ह्याच मोहिमे अंतर्गत चंद्रावर जाण्यासाठी नासा आणी कॅनडीयन स्पेस एजन्सीने(CSA) चार अंतराळवीरांची निवड केली असुन त्यांची नावे नुकतीच घोषित करण्यात आली नासाने आधीच सांगितल्या प्रमाणे ह्या चार अंतराळवीरांमध्ये एक महिला अंतराळवीर व एका अफ्रिकन अंतराळवीराचा समावेश करण्यात आला आहे 

नासाचे अंतराळवीर Reid Wiseman, आफ्रिकन अंतराळवीर Victor Glover, रेकॉर्ड ब्रेकर महिला अंतराळवीर Christina Koch आणी कॅनडाचे अंतराळवीर Jeremy Hansen ह्या चार अंतराळवीरांची ह्या मोहिमेसाठी निवड करण्यात आली आहे ह्या मोहिमेत अंतराळवीर Reid Wiseman कमांडरपद व Victor Glover पायलटपद सांभाळणार असुन अंतराळवीर Christina Koch आणी अंतराळवीर Jeremy Hansen ह्या मोहिमेत मिशन स्पेशालिस्ट म्हणून काम पाहणार आहेत हे चार अंतराळवीर 2024 मध्ये चंद्रावर जाणार आहेत नासाचे Orion अंतराळयान ह्या चार अंतराळवीरांसह नासाच्या केनेडी स्पेस सेंटर Florida येथील 39 B ह्या ऊड्डान स्थळावरून Mega Moon Rocket च्या सहाय्याने चंद्रावर जाण्यासाठी अंतराळात ऊड्डाण करेल 

चंद्रावर पुन्हा मानवी येजा सुरु करण्यासाठी नासा संस्थेतील आर्टेमिस मोहिमेतील हजारो कर्मचारी अहोरात्र अथक परीश्रम करत आहेत हे निवडक अंतराळवीर त्यांचे नेतृत्व करणारे अंतराळवीर आहेत,ते आमचे अंतराळवीर आहेत ते साऱ्या जगाचे प्रतिनिधित्व करणारे अंतराळवीर आहेत  हे चारही अंतराळवीर अनुभवी आहेत त्यांनी त्यांच्या क्षेत्रात त्यांचे असामान्य कर्तृत्व सिद्ध केले आहे म्हणूनच ह्या चार अंतराळवीरांची टीम एकत्रित आल्याने भविष्यकालीन अंतराळविश्वातील मोहिमातील नव्या युगाचा शुभारंभ होईल ह्या देशाचे ह्या मोहिमेचे आणि भावी पिढीचे स्वप्न साकारणारे हे कर्तृत्वान अंतराळवीर आहेत असे नासाचे Administrator Bill Nelson म्हणतात 

ह्या आर्टेमिस मोहिमेत नासा संस्थेसोबत कॅनडा देखील केंद्रस्थानीं आहे आम्ही पुन्हा एकदा चंद्रावर जात आहोत ह्या चंद्रप्रवास रोमांचकारी आहे ! नासाच्या भागीदारीबद्दल Thanks! असे कॅनडियन स्पेस एजन्सीचे आदरणीय मंत्री Francois-Philippe Champagne म्हणतात अंतराळवीर Jeremy Hansen आता कॅनडियन देशाचे प्रतिनिधित्व करणार आहे सर्व देशवासीयांकडून त्याचे अभिनंदन ! ह्या महत्वाकांक्षी मोहिमेतील सहभागाबद्दल! पुढाकाराबद्दल! अमेरिकेसोबत आमची आधीपासूनच मैत्री होती आता अंतराळविश्वातील ऐतिहासिक भागीदारीचा शुभारंभ झाला आहे!

डिसेंबरमधील आर्टेमिस-1 मोहिमेच्या यशानंतर आता ह्या दुसऱ्या मोहीमेचा शुभारंभ आहे अंतराळविश्वातील भविष्यकालीन मंगळ मोहीम आणि दूरवरच्या मोहिमांची हि पूर्वतयारी आहे पन्नास वर्षानंतर प्रथमच हे चार अंतराळवीर चंद्रावर जाणार आहेत पृथ्वीच्या आणि मानवतेच्या उपयुक्ततेसाठी आणि चंद्रावरील सायंटिफिक प्रयोगासाठी हि मोहीम राबविण्यात येत आहे हे अंतराळवीर प्रत्यक्ष चंद्रावर न उतरता चंद्राच्या कक्षेत शिरून त्याच्या भोवती भ्रमण करून तेथील भौगोलिक आणि मानवी वास्तव्यासाठी पोषक वातावरण आणि पाण्याचे अस्तित्व असलेली जागा शोधणार आहेत हि मोहीम दहा दिवसांची आहे शिवाय Orion अंतराळयान आणि चंद्रावरील अंतराळ प्रवासादरम्यान मानवी आरोग्यावर काय दुष्परिणाम होतात ह्याचे निरीक्षणही नोंदवण्यात येणार आहे

अंतराळवीर Reid Wiseman ह्यांची हि दुसरी अंतराळवारी आहे 2014 मध्ये नासाच्या अंतराळ मोहीम -41अंतर्गत त्यांनी स्थानकात 165 दिवस वास्तव्य केले होते आणि त्या दरम्यान अंतराळस्थानकाच्या कामासाठी दोनवेळा तेरा तासांचा स्पेसवॉक केला होता 2020-2022 मध्ये नासा संस्थेतील Astronaut Office मधील प्रमुखपद त्यांनी सांभाळले होते 

अंतराळवीर Victor Glover ह्यांची देखील हि दुसरी अंतराळवारी आहे 2021मध्ये  नासाच्या Space X Crew-1 मोहिमेतील पायलटपद त्यांनी सांभाळले होते स्थानकात 168 दिवसांच्या वास्तव्यात त्यांनी मोहीम 64 चे Flight Engineer म्हणूनही काम केले ह्या वास्तव्या दरम्यान त्यांनी तेथे सुरु असलेल्या सायंटिफिक संशोधनात सहभाग नोंदवला आणि स्थानकाच्या कामासाठी चारवेळा स्पेसवॉक केला 

अंतराळवीर Christina Koch ह्यांची देखील हि दुसरी अंतराळवारी आहे त्यांनी नासाच्या अंतराळ मोहीम 59-60-61 मध्ये सलग 328 दिवस स्थानकात वास्तव्य करून आणि स्थानकाच्या कामासाठी फक्त महिलांचा सहभाग असलेला स्पेसवॉक करून सर्वात जास्त दिवस स्थानकात राहणारी महिला अंतराळवीर आणि पहिली महिला स्पेसवॉकर होण्याचा रेकॉर्ड प्रस्थापित केला आहे 

कॅनडाचे अंतराळवीर Jeremy Hansen मात्र पहिल्यांदाच अंतराळ प्रवास करणार आहेत त्यांनी कॅनडाच्या Arm Forces मध्ये Fighter Pilot पदी काम केले आहे