महिला अंतराळवीर Kate Rubins अंतराळमोहीम 49 दरम्यान अंतराळ स्थानकातील Cupula मधून बाहेरील अंतरिक्ष न्याहाळताना - फोटो -नासा संस्था
नासा संस्था -11सप्टेंबर
नासाची महिला अंतराळवीर आणि Biologist Kate Rubins येत्या ऑक्टोबर महिन्यात दुसऱ्यांदा अंतराळ स्थानकात राहायला जाणार आहे जाण्याआधी 25 सप्टेंबरला ती पत्रकारांशी संवाद साधणार आहे आणि तिच्या ह्या दुसऱ्या अंतराळ मोहिमे संदर्भात विचारलेल्या प्रश्नांना उत्तरे देणार आहे Kate Rubins च्या Star City Russia येथील ह्या मुलाखतीचे लाईव्ह प्रक्षेपण नासा T.V. वरून करण्यात येणार आहे
नासा संस्थेच्या website वर ह्या live संवादाचे प्रक्षेपण 7a.m. ते 8.30a.m. ह्या वेळेत करण्यात येईल त्या आधी 6.30 वाजता Kate Rubins च्या पहिल्या अंतराळ मोहिमेतील वास्तव्यातील ठळक घडामोडींचा माहितीपर व्हिडिओ T.V. वर दाखवण्यात येईल ह्या व्हिडिओ मध्ये तिचा पहिला अंतराळ प्रवास,अंतराळ स्थानकातील वास्तव्य ,त्या दरम्यान तिने केलेले सांयटिफ़िक संशोधन व इतर घडामोडींचा समावेश असेल
Kate Rubins 14 ऑक्टोबरला Soyuz MS-17 ह्या अंतराळयानातून अंतराळ स्थानकात राहायला जाण्यासाठी अंतराळप्रवास करणार आहे कझाकस्थानातील बैकोनूर येथील Cosmodrome वरून अंतराळयान सोयूझ अंतराळात झेपावेल तिच्या सोबत अंतराळ मोहीम 63-64 चे रशियन अंतराळवीर Sergey Ryzhikov आणि Sergey Kud Sverchkov हे दोघेही अंतराळ स्थानकात राहायला जाणार आहेत
Kate Rubins हिने ह्या आधीच्या अंतराळमोहिमेत 2016 साली अंतराळस्थानकात वास्तव्य केले होते त्या दरम्यान तिने प्रथमच अंतराळस्थानकातील झिरो ग्रव्हीटी मध्ये मानवी शरीरातील पेशींमधील DNA sequence मध्ये काय बदल होतात ह्या वर संशोधन केले आणि हे संशोधन करणारी ती पहिली महिला अंतराळवीर ठरली शिवाय तिने स्थानकातील वातावरणात मानवी Heart मधील Cardiovascular system कसे कार्य करते त्यात काय बदल होतात ह्यावरही संशोधन केले होते तिथल्या फिरत्या लॅब मध्ये जाऊन पुन्हा संशोधन करण्यासाठी ती उत्सुक असल्याच तिने ह्या आधी पत्रकारांशी साधलेल्या संवादात सांगितले होते
अंतराळ स्थानकातील मानवी वास्तव्याला यंदा वीस वर्षे पूर्ण होतील Kate Rubins तिच्या ह्या दुसऱ्या अंतराळ मोहिमेदरम्यान दोन नोव्हेंबरला स्थानकाचा विसावा वर्धापन दिन तिच्या सहकारी अंतराळवीरांसोबत साजरा करणार आहे ह्या वीस वर्षात अमेरिकेने अंतराळविश्वात अफाट प्रगती केलीय शिवाय पुन्हा एकदा अमेरिकन भूमीवरून अमेरिकन निर्मित अंतराळयानातून अंतराळवीर मंगळ आणि चंद्रावर यशस्वी मानवासहित यशस्वी अंतराळमोहीम राबवणार आहेत
No comments:
Post a Comment