31जानेवारीला आकाशात ग्रहणग्रस्त आरक्त सुपरमून उगवला

                      यवतमाळ येथून टिपलेले खग्रास ग्रहण काळातील ब्लड सुपरमूनचे विलोभनीय रूप

यवतमाळ -31 जानेवारी
काल तब्बल 152 वर्षांनी पौर्णिमेचा चंद्र सुपरमून,ब्लड मून च्या रूपात प्रगटला ह्या महिन्यातली हि दुसरी पौर्णिमा होती आणि ह्या वर्षातल हे पाहिल चंद्र ग्रहण तेही खग्रास शिवाय सध्या चंद्र पृथ्वीच्या कक्षेतील अंतरही कमी झाल्याने चंद्राचा आकारही मोठा झालाय म्हणजे तो सुपरमूनच्या स्वरूपात दिसतोय (ह्या बाबतीतली सविस्तर माहिती तीन डिसेंबरच्या बातमीत ह्याच ब्लॉगवर)
कालचा सुपरमून ग्रहणग्रस्त झाल्याने ब्लड मूनच्या स्वरूपात दिसला एरव्ही पृथ्वी सूर्याभोवती आणि चंद्र पृथ्वीभोवती परिक्रमा करतो पण काल सूर्य,पृथ्वी आणि चंद्र एका रेषेत आल्याने चंद्रावर पृथ्वीची पूर्ण सावली पडली आणि खग्रास चंद्रग्रहण झाले ग्रहणकाळात सूर्याची प्रकाश किरणे काहीकाळ फिल्टर होतात त्यामुळे चंद्र  लाल रंगाचा दिसतो म्हणून त्याला ब्लड मून म्हटल्या जात भारतात सर्वत्र अमेरिकेत ,ऑस्ट्रेलिया आणि इतर देशातही हे ग्रहण दिसल
ब्लड मून ,सुपरमून आणि खग्रास चंद्रग्रहण अशा त्रिवेणी संगमाच्या ह्या ऐतिहासिक पर्वणीच्या दुर्मिळ संधीचा आनंद घेण्यासाठी आणि आकाशातील ब्लड मूनच सुपरमूनच्या स्वरूपातल विलोभनीय दृश्य पाहण्यासाठी  आपल्या कॅमेऱ्यात ,मोबाईल मध्ये फोटो घेण्यासाठी उत्साही सुशिक्षित लोकांनी गच्चीवर अंगणात गर्दी केली होती संध्याकाळी सहानंतर हा सुपरमून ग्रहणग्रस्त झाला आणि आठ वाजता ग्रहण सुटल खग्रास ग्रहणाच्या काळात त्याचा रंग मंगळाप्रमाणे तांबूस झाला होता खूप वर्षांआधी इंडोनिशियात झालेल्या भूकंपामुळे अंतराळात उडालेल्या धूलिकणांमुळे भूगर्भातून बाहेर पडलेल्या वायूंमुळे तेव्हाचा सुपरमून ग्रहणकाळात निळसर दिसला होता म्हणून त्याला ब्लु सुपरमून म्हटल गेल होत
विशेष म्हणजे सकाळ पासूनच ग्रहणाची शास्त्रोक्त माहिती खगोल शास्त्रज्ञ देत होते तर काही चॅनल्स वरून ग्रहणाच्या शुभ अशुभ फळाचं भाकीत वर्तवण्यात येत होत काहिनी तर टॅरो कार्डचाही उपयोग केला
ह्या काळात धार्मिक मंदिरेही बंद ठेवण्यात आली होती तरीही लोकांनी 152 वर्षांनी आकाशात घडलेल्या ह्या
ऐतिहासिक नैसर्गिकअविष्काराचा आनंद लुटत हा क्षण कॅमेराबद्ध केला हि नवीन प्रगत युगाची नांदीच होय