नासाच्या Innovative Technology Concepts स्पर्धेतील विजेते घोषित

 

नासाच्या Innovative Technology Concepts स्पर्धेतील 2025 च्या विजेत्यांनी संकल्पित केलेल्या कल्पनेचे चित्रकारांनी साकारलेले कोलाज -फोटो -नासा संस्था

 नासा संस्था- 27 जानेवारी

नासा संस्था नेहमीच भविष्यकालीन अंतराळ मोहिमेतील संशोधनासाठी आणी अंतराळवीरांच्या परग्रहावरील सुरक्षीत वास्तव्यासाठी नवनवीन अभियान राबवते शास्त्रज्ञ आणी सर्जनशील नागरिकांना सहभागी होण्यासाठी स्पर्धा जाहीर करते 2025 च्या अभियाना अंतर्गत NIAC द्वारा जाहीर केलेल्या ह्या वर्षीच्या स्पर्धेतील 15 विजेत्यांची नावे नासाने नुकतीच घोषित केली आहेत अमेरिकेतील सर्व राज्यातील संस्था आणी कंपनीतील सहभागी स्पर्धेकामधुन आलेल्या अद्ययावत नाविन्यपूर्ण संकल्पना सादर करणाऱ्या स्पर्धेकांची निवड करण्यात आली आहे 

नासा संस्थेच्या N.I.AC (NASA Innovative Advance Concept) ह्या मोहिमे अंतर्गत हा उपक्रम राबविण्यात येतो नासा संस्था भविष्यकालीन अंतराळ मोहिमेसाठी,अंतराळविश्वातील व्यावसायिक वाढीसाठीआणि एरोस्पेस मोहीम सक्षम करण्यासाठी अशा अवकाश तंत्रज्ञानांतील नाविन्यपूर्ण संकल्पनांना प्रोत्साहन देऊन त्यांना आर्थिक मदत करते 2025 च्या ह्या निवडक संशोधकांना नासा संस्थेतर्फे $ 2.628 M चे एकत्रित आर्थिक सहाय्य दिले जाणार आहे

Washington येथील नासा संस्थेतील Space Technology विभागाचे Associate Administrator -Glayton Turner म्हणतात,"हे संशोधीत तंत्रज्ञान भविष्यकालीन दूरवरच्या अंतराळ मोहिमेसाठी उपयुक्त ठरेल आजवर मानवाला अज्ञात असलेल्या ब्रह्मांडा विषयी,आपल्या सौरमाले विषयीची माहिती संशोधित करण्यास मदत होईल विशेषतः अंतराळातील झिरो ग्रॅव्हीटीत संशोधन करताना शिवाय आपल्या पृथ्वी संरक्षणासाठी देखील उपयुक्त ठरेल " ह्या आधीच्या निवडक संशोधकांच्या ह्या नाविन्यपूर्ण संकल्पना आज सत्यात उतरल्या आहेत परग्रहावरील समुद्रात पोहणारा छोटा रोबोट असो किंवा परग्रहावर भविष्यकालीन अंतराळ मोहिमेतील अंतराळवीरांना तेथील वास्तव्यासाठी बुरशीपासून घर बांधणी असो त्या आता शक्य झाल्या आहेत !'

ह्या नव्या निवडक संशोधित तंत्रज्ञान अविष्कारामध्ये सूर्याचा सौरमालेवर होणारा प्रभाव शोधण्यासाठी,चंद्रावर भविष्यकालीन अंतराळवीरांच्या वास्तव्यासाठी काचेचे घर बनविण्याची अभिनव कल्पना आणि शनीच्या बर्फ़ाळ चंद्रावरील संशोधनासाठी अद्ययावत यंत्रणेचा वापर करण्याच्या संकल्पनेचा समावेश आहे 

Helicity Space LLC Pasadena California  येथील RyanWeed ह्यांनी संशोधित केलेल्या संकल्पनेत अंतराळयानाचा समुह कल्पित केला आहे जो Compact & Scalable Fusion Propulsion system चा वापर करून हेलिओस्पियर आणि त्याही पलीकडे जलद आणि बहुदिशेने कार्यरत राहू शकतो आणि सूर्याचा सौरमालेतील ग्रहताऱ्यांशी असलेला प्रभाव संशोधित करू शकतो हि संशोधित माहिती भविष्यकालीन मंगळ मोहिमेतील अंतराळवीरांसाठी उपयुक्त ठरेल 

California येथील Martin Bermudez Skyeports ह्यांनी चंद्रावरील कमी गुरुत्वाकर्षणात भविष्यकालीन मानवी वास्तव्यासाठी चंद्रभूमीवरील काचेचा वापर करून शेलच्या आकाराचे घर बांधण्याची संकल्पना मांडली आहे त्या साठी चंद्रभूमीवरील आणि भूगर्भातील काचेचा समावेश असलेल्या खडक व इतर मिनरल्सचा शोध घेऊन त्यावर तेथेच प्रक्रिया करून काच निर्मिती करण्याची संकल्पना संशोधित केली आहे 

Urbana येथील Justin Yim ह्यांनी LEAP नावाचा खोल समुद्रात बुडी मारणारा रोबोट तयार केला आहे जो शनीचा बर्फ़ाळ चंद्र Enceladus येथील गरम पाण्याच्या झऱ्याखाली अस्तित्वात असलेल्या खोलवर समुद्राच्या तळाशी अनेक वेळा बुडी मारून तेथील खडक आणि इतर गोष्टीचे नमुने गोळा करेल आणि पुन्हा वर येऊन तेथील आकाशातील विमानात ठेवेल विमानातील अद्ययावत यंत्रणेच्या साहाय्याने तेथेच त्या संशोधित नमुन्यांच्या सूक्ष्म कणांचे संशोधन करण्यात येईल 

ह्या सर्व  निवडक संकल्पना सध्या प्राथमिक स्वरूपात आहेत त्यावर नासा संस्थेतील शास्त्रज्ञांच्या टीमच्या सहकार्याने सखोल संशोधन करण्यात येईल त्या नंतर नासा संस्थेतील तज्ञांच्या अंतिम संशोधनानंतर सर्व बाबीची पूर्तता तपासण्यात येईल आणि मान्यता मिळेल

नासा संस्थेच्या ह्या N.I.AC उपक्रमा अंतर्गत अशा बुद्धिमान संशोधकांना आर्थिक साहाय्य केले जाते आणि आवश्यक ती टेक्निकल मदतही दिल्या जाते त्या मुळेच आता स्वप्नवत अशक्य वाटणाऱ्या ह्या संकल्पना संशोधित होतील आणि सत्यात उतरतील ह्या उपक्रमा अंतर्गत संशोधनासाठी दिल्या जाणाऱ्या साहित्यात सेन्सर्स,उपकरणे उत्पादन तंत्र,ऊर्जा प्रणाली व इतर आवश्यक गोष्टींचा समावेश आहे 

अंतराळस्थानकाच्या कामासाठी अंतराळवीर Sunta Williams आणी Nick Hague ह्यांचा Space Walk संपन्न

 

 नासाचे अंतराळवीर Sunita Williams आणि Nick Hague अंतराळस्थानकाच्या बाहेरील भागात Space Walk  करताना -फोटो -नासा संस्था

नासा संस्था - 16 जानेवारी

अंतराळ स्थानकाच्या दुरुस्तीसाठी अंतराळवीर Sunita Williams आणी Nick Hugue ह्यांनी Space Walk पुर्ण केला हे दोन्हीही अंतराळवीर 16 जानेवारीला सकाळी 8.01मिनिटाला स्पेसवॉकसाठी स्थानकाबाहेर पडले आणी दुपारी 2.01मिनिटाला स्पेसवॉक संपवून स्थानकात परतले

आदल्या दिवशीच ह्या दोन्ही अंतराळवीरांनी ह्या स्पेसवॉकची तयारी करुन ठेवली होती त्यांनी त्यांचे स्पेससुट चेक करून चार्ज केले आणी स्पेसवॉकसाठी लागणारा टुलबॉक्स,कॅमेरे तयार ठेवले शिवाय या दोघांनी त्यांचे हेल्थ चेकअपही केले 

ह्या सहा तासांच्या स्पेसवॉक दरम्यान ह्या अंतराळविरांनी स्थानकाच्या बाहेरील भागातील Rate gyro assembly आणी NICER X-ray Telescope च्या दुरुस्तीचे आणि खराब झालेला पार्ट काढून नवीन पार्ट बसविण्याचे काम केले NICER Telescope मधील reflecter light filters मधील खराब झालेल्या भागात पॅचेस बसवुन दुरुस्ती केली आणी International docking adaptors च्या एका भागातील Reflector device बदलले आणि इतर कामे पूर्ण केली 

अंतराळवीर Sunita ह्यांच्या अंतराळ करिअर मधील त्यांनी केलेला हा आठवा स्पेसवॉक होता त्यांनी ह्या स्पेसवॉक साठी परीधान केलेला स्पेससुट रेशा विरहित होता तर Nick Hague ह्यांनी परीधान केलेल्या स्पेससुटवर लाल रंगाच्या रेशा होत्या त्यांच्या अंतराळ करिअर मधला त्यांनी केलेला आजवरचा हा चौथा स्पेसवॉक होता आणि अंतराळस्थानकाच्या कामासाठी अंतराळवीरांनी केलेला हा 273 वा स्पेसवॉक होता

नासाच्या आर्टिमस मोहीमे अंतर्गत व्यावसायिक Blue Ghost Lunar lander अत्याधुनिक यंत्रसामग्रीसह चंद्राकडे मार्गस्थ

 

  Firefly Blue Ghost lunar lander नासाच्या अत्याधुनिक यंत्रसामुग्रीसह चंद्रावर जाण्यासाठी अंतराळात झेपावले तो क्षण -फोटो -नासा संस्था

 नासा संस्था- 15 जानेवारी

नासाची बंद पडलेली चांद्रमोहिम पन्नास वर्षांनी पुन्हा सुरु झाल्यानंतर आर्टिमस मोहीमेची जय्यत तयारी सुरू आहे विषेश म्हणजे ह्या मोहीमेत आता अनेक देशही सामिल झाले आहेत ह्या मोहीमेच्या यशस्वीतेसाठी आणी ह्या मोहिमेतील अंतराळविरांच्या सुरक्षिततेसाठी नासा संस्था वेगवेगळे ऊपक्रम राबवत असते नासा संस्थेने ह्या मोहिमेत व्यावसायिक संस्थाना देखील सहभागी होऊन lunar lander तयार करण्याची संधी दिली होती 

ह्याच मोहीमेतील सहभागी Firefly संस्थेने बनविलेले Blue Ghost lunar lander नासाच्या चंद्र भुमीवरील संशोधीत माहिती गोळा करण्यासाठी बनविण्यात आलेल्या अत्याधुनिक सायंटिफिक ऊपकरणासह चंद्राकडे मार्गस्थ झाले आहे 15 जानेवारीला नासाच्या Florida येथील Kennedy Space center मधील 39A ह्या ऊड्डाण स्थळावरुन 1.11 मिनिटाला Firefly चे Blue Ghost चांद्रयान चंद्रावर जाण्यासाठी Space X Falcon -9 रॉकेटच्या साहाय्याने अंतराळात झेपावले ह्या अंतराळयाना सोबत नासाने अत्याधुनिक यंत्रणेने युक्त दहा सायन्स आणि टेकनॉलॉजी उपकरणे चंद्रावर पाठविली आहेत 2 मार्चला हे यान चंद्रावर पोहोचेल

Blue Ghost चंद्रयानाच्या यशस्वी उड्डाणानंतर नासाच्या Deputy Administrator Pam Melroy ह्यांनी आनंद व्यक्त केला त्या म्हणतात ," आर्टीमस मोहिमेअंतर्गत अंतराळविश्वातील मानवाला अज्ञात असलेल्या गोष्टींचा व घडामोडींचा शोध घेण्यासाठी नासाने राबविलेली हि  धाडसी मोहीम आर्टीमस आणि दूरवरच्या मंगळ मोहिमेतील  अंतराळवीरांसाठी उपयुक्त ठरेल अंतराळविश्वाच्या मोठ्या Blue प्रिंटवर उमटलेले नासाचे हे छोटे ऐतिहासिक पाऊल अंतराळवीरांना चंद्रभूमीवर वास्तव्य करून संशोधन करताना सुरक्षितपणे यशाच्या शाश्वत वाटेवर नेईल त्यासाठी Firefly आणि Space X संस्थेचे अभिनंदन !"

एकदा का Blue Ghost यान चंद्रावर पोहोचले कि त्यातील अत्याधुनिक स्वयंचलित यंत्रणा कार्यान्वित होईल आणि ह्या यानातील सायंटिफिक उपकरणे आणि प्रणालीच्या कार्यक्षमतेची चाचणी घेतल्या जाईल यानातील रोबोटिक आर्म,हॅमर आणि इतर उपकरणाद्वारे चंद्रभूमीवरील आणि भूगर्भातील जमिनीची उत्खनन क्षमता उत्खनना नंतरची तेथील खडक,माती,वाळू ,मिनरल्स आणि इतर गोष्टीचे नमुने घेऊन ते व्यवस्थित गोळा करण्याची क्षमता चेक केल्या जाईल चंद्रावरील वातावरणातील संशोधित माहिती, जागतिक Navigation Satellite system ,Radiation Tolerant Computing क्षमता चेक केल्या जाईल नविन तंत्रज्ञान वापरून चंद्रावरील चिकट धुळीवर नियंत्रण मिळवण्यासाठीच्या उपकरणाची कार्य क्षमता तपासण्यात येईल हि धूळ झटकण्यासाठी आणि अंतराळयान व अंतराळवीरांच्या स्पेससूटचे ह्या धुळीपासून संरक्षण करण्यासाठीच्या ह्या नवीन यंत्रणेची यशस्वीता चेक करण्यात येईल ह्या संशोधित माहितीमुळे अंतराळातील हानिकारक कॉस्मिक किरणे आणि इतर वायूपासून पृथ्वीचे संरक्षण करण्यास मदत होईल 

नासाच्या वॉशिंग्टन येथील Science mission च्या Associate Administrator -Nicola Fox म्हणतात ,"नासा संस्था नव्या उपक्रमाद्वारे अंतराळविश्वातील संशोधित माहिती मिळवण्यासाठी नेहमीच पुढाकार घेते अर्टीमस मोहिमेद्वारे पुन्हा एकदा चंद्रभूमीवर मानवी पाऊल पडणार आहे आम्ही आधीच्या Apollo मोहिमेतून बरेच धडे घेतले आहेत त्या मुळे आधीच्या त्रुटींवर मात करून आर्टीमस मोहिमेतील अंतराळयानात अत्याधुनिक यंत्रणेचा वापर केला आहे आणि मुख्य म्हणजे ह्या मोहिमेतील अंतराळयान आणि अंतराळवीरांच्या सुरक्षिततेला प्राधान्य दिले आहे आम्ही आता Blue Ghost मोहिमेद्वारे चंद्रावरील संशोधित माहिती पृथ्वीवर येण्याची आतुरतेने वाट पहात आहोत!"

ह्या मोहिमेद्वारे चंद्रावरील वातावरण,उत्क्रांती,तेथील पुरातन सजीव सृष्टीच्या अस्तित्वाला दुजोरा देणारे पुरावे पाण्याचे अस्तित्व,पुरातनकाळी अस्तित्वात असलेले आटलेले पाण्याचे श्रोत ह्याविषीयी संशोधित माहिती गोळा केल्या जाईल आणि भविष्यकालीन अंतराळमोहिमेतील अंतराळवीरांना चंद्रावर वास्तव्य करून संशोधन करण्यासाठी पृथ्वीसारखे पोषक वातावरण असलेल्या सुरक्षित जागेचा शोध घेण्यात येईल

Blue Ghost अंतराळयान चंद्रभूमीवर उतरण्याआधी चार दिवस चंद्राच्या कक्षेत भ्रमण करेल त्या नंतर चंद्राच्या ईशान्य भागातील भूकंपप्रवण क्षेत्रातील Mare Crisium ह्या भागात उतरेल व तेथील संशोधित माहिती गोळा करण्यास सुरवात करेल 

नासा संस्थेने Perseverance मंगळयानाने गोळा केलेल्या नमुन्यांच्या कुपी पृथ्वीवर आणण्यासाठी दोन विकसित संकल्पनेची निवड केली

 

 

 

नासाच्या Perseverance मंगळ यानाने गोळा केलेल्या  मंगळावरील खडकांच्या नमुन्याच्या कुपी -फोटो -नासा संस्था

 

नासा संस्था - 7 जानेवारी

नासा संस्थेच्या Perseverance आणि Curiosity मंगळयानाने  यानातील अत्याधुनिक यंत्रणेद्वारे मंगळभूमीवरील  आणि भूगर्भातील खडक,माती मिनरल्सचे नमुने गोळा करून त्यांचे नमुने Perseverance यानातील कंटेनर मध्ये व्यवस्थित ठेवण्याचे काम यशस्वी केले आहे यानाला बसविण्यात आलेल्या रोबोटिक आर्म आणि कॅमेऱ्याच्या साहाय्याने खडकाचे नमुने शोधून रोबोटिक आर्मच्या साहाय्याने जमीन खणून रोबोटिक हॅमरने खडकांचा चुरा करून तो चुरा,माती,वाळू आणि इतर वस्तू यानातील टिटॅनियमच्या कुपीत भरून ठेवण्याचे काम यशस्वीपणे पार पाडले आहे आता ह्या नमुन्यांच्या कुपी पृथ्वीवर आणण्यासाठी नासा संस्थेने दोन नवीन पर्यायी मार्गाचा विचार केला असून हे नमुने पृथ्वीवर कमी वेळेत आणि कमी खर्चात पोहोचण्यासाठी नवीन संशोधित संकल्पनेची निवड करण्यात आली आहे 

ह्या नव्या संशोधित संकल्पनेनुसार एकाच मार्गाने हे नमुने आणण्याचा विचार करण्यात आला आहे मंगळ ग्रहावरून पहिल्यांदाच हे नमुने पृथ्वीवर आणण्यात येणार असून ह्या नमुन्यांच्या संशोधनानंतर मंगळावरील मानवाला अज्ञात असलेली माहिती आणि पुरातन सजीव सृष्ठीच्या अस्तित्वाची शक्यता ह्या विषयी माहिती मिळेल 2026 मध्ये ह्या नव्या मार्गाबाबत अंतिम निर्णय घेण्यात येईल 

नासा संस्थेचे Administrator Bill Nelson म्हणतात,"नासा संस्थेने निवड केलेल्या ह्या दोन नव्या पर्यायी विकसित संकल्पनेचा वापर केल्यामुळे मंगळावरील खडकांच्या नमुन्यांच्या कुपी पृथ्वीवर आणण्याचा मार्ग निश्चित होईल शिवाय पैसे आणि वेळही वाचेल हे नमुने पृथ्वीवर आणल्यावर शास्त्रज्ञांना ब्रह्मांड आपली ग्रहमाला आणि मंगळग्रहाची निर्मिती ह्या विषयी संशोधन करताना विचाराची नवी दिशा मिळेल नासाच्या मंगळ मोहिमेतील टीम प्रमूख Maria Zuber ह्यांच्या नेतृत्वात सुरु असलेले हे नाविन्यपूर्ण काम प्रशंसनीय आहे !'

2024 च्या सप्टेंबर मध्ये नासा संस्थेतील शास्त्रज्ञांच्या टीमने मंगळावरील खडकांच्या नमुन्यांच्या कुपी पृथ्वीवर आणण्यासाठी 11 संकल्पित पर्यायांची निवड केली आणि त्यातून सखोल निरीक्षणाअंती कमी खर्चिक आणि कमी वेळेत नमुन्यांच्या कुपी पृथ्वीवर पोहोचणाऱ्या संकल्पित मार्गाच्या अंतिम निवड करण्यात आली 

नासाच्या Science Mission Directorate- Nicky Fox  म्हणतात," नासाचे मंगळयान मंगळावरील विपरीत परिस्थितीत तेथील नमुने गोळा करण्याचे कठीण काम यशस्वीपणे पार पाडत आहेत आणि आम्ही ते पृथ्वीवर लवकर आणण्याच्या प्रयत्नात आहोत ज्यामुळे पृथ्वीवरील अत्याधुनिक यंत्रणेच्या साहाय्याने ते संशोधित करता येतील ह्या संशोधनामुळे मंगळावरील भौगोलिक,जिऑलॉजिकल आणि सजीवाच्या अस्तित्वाबद्दल मानवाला अज्ञात असलेली माहिती मिळेलच शिवाय आपल्या सौरमालेच्या निर्मिती वर प्रकाश पडेल कदाचित आपल्या पृथ्वीवर सजीवसृष्टी निर्माण होण्याआधी मंगळावर सजीव सृष्टीचे अस्तित्व होते का? ह्या विषयी देखील माहिती मिळेल आणि भविष्यकालीन मानवसहित मंगळमोहिमेतील अंतराळवीरांच्या मंगळावरील वास्तव्यासाठी संशोधनासाठी हि माहिती उपयुक्त ठरेल 

ह्या दोन नव्या संशोधित संकल्पनेनुसार मंगळभूमीवर Payload Platform उतरवण्यासाठी दोन वेगळ्या पर्यायी माध्यमाचा विचार केल्या जाईल पूर्वीच्या संकल्पनेनुसार Flown Entry,Descent and Landing Systemचा आधी विचार केल्या जाईल  संकल्पित Sky Crane Method चा उपयोग केल्या जाईल 

दुसऱ्या पर्यायात व्यावसायिक संकल्पनेचा वापर केल्या जाईल मंगळ भूमीच्या पृष्ठभागावर Lander Payload वितरित करण्यासाठी व्यावसायिक क्षमता विकसित केल्या जाईल दोन्ही संकल्पनेत Mars Ascent Vehicle च्या छोट्या आवृत्तीचा वापर केल्या जाईल Solar Panels ऐवजी  Radioisotope power systemचा वापर केल्या जाईल त्या मुळे मंगळावरील धुली वादळात यानाला ऊर्जा व प्रकाश मिळेल आणि मंगळावरील धुलीवादळात काही समस्या उद्भवणार नाही Orbital sample कंटेनर सिस्टिम द्वारे Perseverance यानाने गोळा केलेल्या 30 नमुन्यांच्या कुपी आधी कंटेनर मध्ये न ठेवता त्या डायरेक्ट Orbital कंटेनर मध्ये ठेवल्या जातील त्या मुळे ग्रहावर उडणारी धूळ व नमुने इतरत्र पडणार नाहीत

आधीच्या संकल्पनेनुसार  मंगळ मोहिमेतील टीममधील शास्त्रज्ञांनी अद्ययावत यंत्रणेने बनविलेल्या दोन हेलिकॉप्टर द्वारे हे नमुने पृथ्वीवर आणल्या जातील Sample Retrieval Lander आणि दोन Helicopters मुळे यानाला नमुने गोळा करण्यासाठी आता Fetch रोव्हर किंवा त्याच्याशी संलग्न अशा दुसऱ्या Lander ची आवश्यकता भासणार नाही ह्या नवीन Sample Retrieval Lander सोबत पाठविण्यात येणारे हेलिकॉप्टर बनविताना आधीच्या Ingenuity हेलिकॉप्टरचे डिझाईन वापरून त्यातील त्रुटी कमी करून काही सुधारणा करण्यात आल्या आहेत ज्या मुळे हे काम कमी त्रासाचे आणि सोपे होईल आता ह्या हेलिकॉप्टर मध्येच नमुने गोळा करण्याची क्षमता निर्माण केली असल्यामुळे हे काम आता हेलिकॉप्टर द्वारे केले जाईल Earth Return Orbiter आणि Sample Retrieval Lander मंगळग्रहावर पाठविण्यात येणार असून 2033 मध्ये ते तेथील खडकांचे व इतर नमुने घेऊन पृथ्वीवर परतेल आगामी काळात Earth Return Orbiter आणि हेलिकॉप्टर्स पृथ्वीवरून मंगळ आणि पुन्हा पृथ्वी असा ऐतिहासिक अंतराळ प्रवास सुरु करेल आणि Sample Transfer Arm द्वारे रोबोटिकली नमुन्यांच्या कुपी Orbiting Sample Container मध्ये भरेल

या मोहिमेअंतर्गत प्रथमच परग्रहावर रॉकेट ऊड्डाण मोहिम राबविण्यात येईल MAV ह्या कार्याचा शुभारंभ करेल MAV मंगळग्रहावरील Jezero Crater ह्या भागात ऊतरेल आणी Perseverance यानाने गोळा केलेल्या नमुन्यांच्या कुपी कंटेनरमध्ये भरून पुन्हा तेथून ऊड्डान करून पृथ्वीवर पोहोचेल Jezero Crater चा हा भाग भविष्यकालीन मंगळ मोहिमेसाठी Launch Platform म्हणून वापरला जाईल MAV मध्ये Perseverance यानाने गोळा केलेल्या नमुन्यांच्या कुपी व्यवस्थित भरल्या गेल्या नंतरच Lockheed Rocket तिथून पृथ्वीकडे येण्यासाठी उड्डाण करेल प्रथमच परग्रहावर Rocket मंगळ ग्रहांवरचे वातावरण भेदून पृथ्वीवर परतण्यासाठी उड्डाण करताना पेट घेईल पण MAV साठी पृथ्वीवरून मंगळावर उड्डाण कारण्या एव्हडे मंगळावरून पृथ्वीकडे उड्डाण करणे सोपे नसेल कारण तेथील वातावरण वेगळे आहे आणि MAV हे छोटे आणि वजनाने हलके असल्याने हि प्रक्रिया पार पाडताना काही अडथळे येण्याची शक्यता आहे म्हणूनच अत्याधुनिक यंत्रणेद्वारे त्या अडचणीवर मात करण्याची क्षमता त्यात निर्माण केली गेली आहे 

पण हे काम खर्चिक आणि वेळखाऊ असल्यामुळे मंगळावरील Perseverance मंगळयानाने गोळा केलेल्या खडक व इतर गोष्टीच्या नमुन्याच्या कुपी पृथ्वीवर आणण्यासाठी टीममधील शास्त्रज्ञांनी नवीन विकसित संकल्पित मार्ग संशोधित केल्यामुळे कमी वेळात आणि खर्चात हे नमुने पृथ्वीवर पोहोचतील