नासाच्या Boeing Starliner Flight Test अंतर्गत दोन अंतराळवीर स्थानकात जाणार

नासाच्या Cape Canaveral Space Force Station मध्ये Boeing Starliner अंतराळयान आणि Atlas V Rocket चे निरीक्षण करताना अंतराळवीर Suni Williams अंतराळवीर Barry Butch Wilmore आणि अंतराळवीर Mike Finke -फोटो -नासा संस्था

नासा संस्था - 16 जून 

Boeing Starliner अंतराळ यानाच्या  Crew Flight Test मोहिमे अंतर्गत अंतराळ स्थानकात जाण्यासाठी नासा संस्थेने दोन अंतराळवीरांची निवड केली आहे ह्या मोहिमेत कमांडरपदी अंतराळवीर Barry Butch Williams आणि पायलटपदी अंतराळवीर Suni Williams ह्यांची निवड करण्यात आली आहे 

नासा संस्थेने 2020 मध्येच अंतराळवीर Barry Butch Wilmore ह्यांची कमांडरपदा करिता निवड केली होती आणि 2018 मध्ये ह्या मोहिमेच्या पायलटपदासाठी अंतराळवीर Nicole Mann ह्यांची निवड केली होती पण अंतराळवीर Nicole Mann ह्यांची Space X Crew - 5 मोहिमेसाठी निवड झाल्याने त्यांच्या जागी आता अंतराळवीर Suni Williams ह्यांची पायलटपदी निवड करण्यात आली आहे Suni Williams ह्यांनी ह्या आधी Test Pilot म्हणून काम केले आहे हे दोन्ही अंतराळवीर ह्या आधी नासाच्या अंतराळ मोहिमेत सहभागी झाले होते आणि त्यांनी त्या दरम्यान स्थानकात दीर्घकाळ वास्तव्य व संशोधन केले आहे

हे दोन्ही अंतराळवीर Flight Test मोहिमेद्वारे अंतराळ स्थानकात जातील तेथे ते दोन आठवडे वास्तव्य करतील आणि तेथे सुरु असलेल्या संशोधनात सहभागी होतील सध्या जरी नियोजित वास्तव्याचा कालावधी दोन आठवडे निश्चित केला असला तरीही आगामी काळात हे वास्तव्य सहा महिन्यांपर्यंत वाढू शकते आणि सध्या हे दोघे अंतराळवीर स्थानकात जाणार असले तरी नंतर त्यांच्या सोबत तिसऱ्या अंतराळवीराला पाठवण्याचा निर्णय घेण्यात येऊ शकतो नासाचे अंतराळवीर Mike Fincke ह्यांची देखील ह्या मोहिमेसाठी निवड झाली असून सध्या ते पायलटचे ट्रेनिंग घेत आहेत आणि गरज पडल्यास स्थानकात जाण्यासाठी सज्ज आहेत नासाच्या Cape Canaveral Space Force Station येथील उड्डाणस्थळावरून Atlas V Rocketच्या साहाय्याने Boeing Starliner अंतराळयान ह्या अंतराळवीरांसह अंतराळात झेपावेल

Boeing Starliner यानाची ह्या आधीची Crew विरहित Flight Test यशस्वी झाल्यामुळे आता ह्या अंतराळयानातून अंतराळवीर अंतराळ प्रवास करणार आहेत हि मोहीम यशस्वी झाल्यानंतर Boeing Starliner अंतराळयानाचा उपयोग भविष्यकालीन अंतराळवीरांना अंतराळ स्थानकात नेण्याआणण्या साठी केला जाईल शिवाय इतर मोहिमेसाठी आणि स्थानकात सामान नेण्यासाठी कार्गोशिप म्हणूनही ह्या अंतराळयानाचा उपयोग होईल