अखेर यवतमाळ येथिल शास्त्री नगर येथे पाणी पुरवठा पूर्ववत

                       अखेर नागरिकांच्या तक्रारीची व बातम्यांची दखल घेत पाणी पुरवठा विभागाने शास्त्री नगर मधील पाणी पुरवठा सुरळीत केला आहे त्या मुळे गृहिणींनी सुटकेचा श्वास घेतला आहे पण हा पाणी पुरवठा किती दिवस सुरळीत राहील कोण जाणे शिवाय अजूनही भरपूर पाणी साठा असता नाही पाणी अजूनही एक दिवसाआडच सोडण्यात येते तरी तो पाणी पुरवठा दररोज करण्यात यावा अशी लोकांची मागणी आहे

दिवाळीच्या तोंडावर यवतमाळ येथील शास्त्री नगर येथे उशीराने पाणी पुरवठा

         यंदा विर्भात पाऊस नको इतका पडला त्या मुळे कित्येक ठिकाणी पूर आला तोही दोन तीनदा त्या मुळे धरणे ओव्हरफ्लो झाली आणि धरणाची दारे उघडुन पाणी बाहेर सोडावे लागले.उन्हाळ्यात दुष्काळाने त्रस्त झालेल्या यवतमाळकरांना वाटले आता पाणी नियमित येईल पण गेल्या दोन तीन महिन्या पासून यवतमाळ येथील शास्त्रीनगर,दाते कॉलेजच्या मागची बाजू येथे पाणी पुरवठा अनियमित होत आहे दसरयालाही पाणी उशिराने म्हणजे संध्याकाळी पाच वाजता झाला.
      आता दिवाळीच्या तोंडावर तर पाणी दुपारनंतर केव्हाही कमी दाबाने होत आहे सकाळी कधी थेंब,थेंब कमी दाबाने पाणी बाहेर अंगणात येते व घरात दुपारी पाच वाजता पाणी सोडल्या जाते आज दिनांक तेवीस रोजी तर रात्री आठ वाजता थेंब,थेंब बाहेर पाणी सोडण्यात आले तर घरात रात्री दहा वाजता थोड्या ज्यास्त दाबाने थोडा वेळ पाणी सोडण्यात आले ह्या बाबतीत विचारणा केल्यास कधी लाईट नसल्याने उशिराने तर कधी टाकीत पाणी भरल्या न गेल्याने उशिरा तर कधी व्हाल्व नादुरुस्त असल्याचे सांगितले जाते तो कधी दुरुस्त होईल व कधी पाणीपुरवठा सुरळीत होईल हे संबंधितांनी जाहीर करावे कित्येकदा तर यवतमाळ येथे बाहेर धो,धो पावूस पडत असताना घरात मात्र पाणी येत नाही अशी स्थिती होती आधीच यवतमाळ येथे एक दिवसाआड पाणी सोडण्यात येते त्या मुळे नागरिकांना पाणी टंचाईला तोंड ध्यावे लागते तेही यवतमाळ येथे मुबलक पाणीसाठा असताना तेव्हा संबंधितानी ह्या कडे लक्ष देवून नागरिकांना रोज सकाळी वेळेवर पाणी मिळेल ह्या कडे लक्ष ध्यावे ./div>

महाराष्ट्रीयन लूक

                   नुकतीच गोकुळ अष्टमीची धामधूम संपली,पाठोपाठ गौरी,गणपतीही उत्साहात साजरे झाले आणि आता नवरात्रोत्सव सुरु आहे नवरात्रात पूर्वी गरब्याला महत्व होत ते गुजराथी समाजात पण हळू,हळू गरब्याला उत्सवी स्वरूप प्राप्त झाल अन गरबा प्रकाशझोतात आला त्याने तारे, तारका, गायक,वादक ह्यांनाही भुरळ पाडली आणि ते गरब्यात येताहेत म्हटल्यावर तरुण तरुणी,आणि इतर नागरिकही त्यात हौसेन सामील होऊ लागले गरब्यामुळे घागराचोळीलाही महत्व आले घागरयाचे वेगवेगळे डिझाईन पाहायला मिळाले लहानथोर सारयांनाच तो पेहराव आवडला आणि त्याने मार्केट काबीज केल.

                        आता घागरा चोळीला स्पर्धा करीत नऊवारी झोकात पुढे आलीय नव्या रुपात,नव्या ढंगात . नव्या पिढीला तीच अप्रूप वाटतंय म्हणून कि काय आताशा नऊवारी जिकडे तिकडे मानान मिरवतेय fashion डिझायनरलाही तीन भुरळ पाडलीय मागे एका fashionशो मध्ये नऊवारीचा नवा अविष्कार पाहायला मिळाला हि नऊवारी धोतीसारखी शिवलेली वर कुडता आणि नाकात नथ अशा नव्या जोशात सामोरी आली होती.
                 आता तर काय जिथे तिथे नऊवारी दिसू लागलीय पूर्वी ब्राम्हणात नवरात्रात अष्टमीला घागर फुंकत तेव्हा किव्हा मंगळागौरीला हौसेन नऊ वारी साडी घातली जायची हे सण टी.वि वर आले आणि मग प्रत्येक सणाला टी .वि.वरच्या अभिनेत्री channel वरच्या बातमीदार महिला नऊ वारी ,नथ हौसेन घालू लागल्या मिरवणुकीत महिला युवतीहि नऊवारी परिधान करून नथ घालून सहभागी होऊ लागल्यात.
              आता नवरात्रोत्सवात ठिकठीकाणी देवीचा जागर ,होम हवन ,आरत्या,गोंधळ ह्या सोबतच वेगवेगळ्या स्पर्धा सुरु आहेत आणि ह्या स्पर्धेत नऊवारी नथीसह महाराष्ट्रीयन लुक ह्या नावान दाखल झालीय .म्हणतात ना! कालचक्र अविरत फिरत जुनी गोष्ठ पुन्हा नव्यान येते अगदी fashion सगट तशीच नऊवारी नथीसह fashion विश्वात दिमाखान विराजमान झालीय.
           हे पाहून खरच नवल वाटत स्वातंत्र पूर्व काळात बायका नऊ वारी साडी नेसत कारण सहा वारी साडी नेसायची त्यांना मुभाच नव्हती मग त्या विरोधात ब्र काढायची कोणाची बिशाद! नऊ वारी साडी ,नाकात नथ आणि अंगभर दागिने घालून दिवसभर घरात राबण त्यांच्या अंगवळणी पडल होत .त्या वेळच्या समाज सुधारकांच्या अथक प्रयत्नाने सहावारी साडी अस्तित्वात आली समाज सुधारक आगरकर यांचही मत अस होत कि बायकांनी नऊवारी धोती सारखी शिवलेली वर कुडता आणि ओढणी असा सुटसुटीत पोशाख परिधान करावा त्या काळी त्यांना खूप विरोधही झाला ,खूप संघर्ष करावा लागला हाच संघर्ष मधल्या पिढीला सलवार कमीज घालण्यासाठी करावा लागला त्या वेळेस ते इतक सोप नव्हत स्वातंत्र पूर्व काळात पुरषांनाही धोतर शर्ट आणि टोपी असाच पोशाख वापरावा लागे आणि आजचे नव युवकही हौसेने धोती कुडता नव्या रुपात घालू लागले आहेत.
            आई,आजीच्या संघर्षाचा वारसा पुढे नेत मधल्या पिढीच्या कृपेन आजच्या स्रीया सहजतेन
जीन्स ,स्कर्ट्स सलवार कमीज इतकच काय आपल्याला हवा तो ड्रेस परिधान करू शकतात खरेतर आजच्या स्रियांसाठी सर्वार्थान हे गोल्डन युग आहे चुलीपासून अंतराळात भरारी मारलेल्या स्रियांच यशस्वी युग ,अर्थात चुलीलाही आता glamour प्राप्त झालय संजीव कपूर आणि तत्सम शेफची ,अन channel वाल्याची कृपा.
                   आजची पिढी वेगवान आहे करिअरिष्ट आहे अशा वेळेस नऊ वारीचा हा नवा अविष्कार किती दिवस टिकेल?स्रिया पुन्हा जुन्या कडे वळतील? नऊ वारी साडी घालून नथ घालून सणांच सेलिब्रेशन करण नव्या युवतींना किती काळ आवडेल? त्या त्यात किती काळ अडकतील? हे येणारा काळच ठरवेल.
                 काही का असेना आगरकराना अपेक्षित असलेला आणि आधीच्या पीढीन ज्या साठी संघर्ष केला तो वेश आता fashion म्हणून नव्या रुपात नव्या झोकात मिरवतोय हा काळाचाच महिमा अर्थात जुन्या वेशभूषेत सणवारात अडकताना पुन्हा जुना काळ तर येणार नाही ना! ह्याची दक्षता मात्र घ्ययला हवी.

यवतमाळ येथील दुगोत्सव

               एकता दुर्गोत्सव मंडळ

यवतमाळ येथील छोटी गुजरी येथील एकता दुर्गोत्सावाचे हे ४२वे वर्ष असून दर वर्षी ते एखाद्या ज्वलंत समस्येवर प्रकाश टाकतात ह्या वेळी त्यांनी स्त्री भ्रूणहत्त्या ,हुंडा बळी ,वृद्धांची समस्या म्हणजे त्यांचे पालनपोषण न करता त्यांच्याच घरातून त्यांना घराबाहेर काढणाऱ्या मुलांच्या डोळ्यात अंजन घालण्याचा प्रयत्न केला आहे तसेच स्री,पुरुष असमानता,या सारख्या समस्या पाहून चूप न बसता त्या विरोधात आवाज उठवा असा संदेश देणारे बोर्ड लावले होते मंदिराची सजावट पत्रावळ्या व द्रोण ह्यांच्या साह्याने केली असून कलकत्ता येथील कारागिरांना त्या साठी पंधरा दिवस लागले .

 

नवशक्ती दुर्गोत्सवमंडळ

येथील कार्यकर्ते दरवर्षी अखंड ज्योत अभियान राबवतात त्याला नागरिक भरभरून प्रतिसाद देतात गणपती मंदिरा जवळ असलेल्या ह्या मंडळाने ह्या वर्षी सरस्वती ,लक्ष्मी आणि दुर्गा अशा तीन देवीची प्रतिस्थापना केली होती.

हितेन्वेशी दुर्गोत्सव मंडळ

येथील मंडळाने झोपाळ्यावर बसलेल्या देवीची मूर्ती विलोभनीय असून, मंडळाचे हे एकविसावे वर्ष आहे.

लोकमान्य दुर्गोत्सव मंडळ

आर्णी रोड येथील ह्या मंडळाने देवीच्या मागे ,शंकराची पिंड व त्यावर गुहेतून झिरपणारे  पाणी असा देखावा तयार केला.

पोलिस लाईन येथील आकर्षक मंदिरात विराजमान झालेली देवी.

निवांत क्षणी प्रसादाचा आस्वाद घेताना पोलिस
फोटो -पूजा दुद्दलवार -BE (Soft).BMC