Blue Origin NS-30 मोहीमेतील सहा अंतराळ प्रवासी अंतराळ पर्यटन करून परतले

 

 Blue Origin च्या NS -30 अंतराळ पर्यटन मोहिमेतील अंतराळ प्रवाशी -फोटो -Blue Origin

 Blue Origin - 25 फेब्रुवारी 

Blue Originच्या  New Shepard अंतराळ यानाने मानवी अंतराळ पर्यटन मोहिमे अंतर्गत आजवर नऊ वेळा धाडसी नागरिकांना अंतराळ प्रवास घडवला आहे आणि आता दहाव्यांदा  Blue ओरीजिन ने  NS-30 अंतराळ पर्यटन मोहिमे अंतर्गत सहा धाडसी अंतराळ प्रवाशांना 25 फेब्रुवारीला अंतराळ पर्यटन घडवले आहे 

Blue ओरिजिन च्या NS -30 ह्या मोहिमेत Lane Bess, Jesus Calleja,Elaine Chia Hyde,Dr.Richard Scott, भारतीय वंशाचे Tushar Shah आणी एका धाडसी प्रवाशाचा समावेश होता हे सहाही अंतराळ प्रवासी 25 तारखेला मंगळवारी Blue Origin च्या West Texas येथील उड्डाण स्थळावरून सकाळी 9.30 वाजता अंतराळ पर्यटनासाठी निघाले ह्या सर्व अंतराळ प्रवाशांना घेऊन New Shepard अंतराळयान रॉकेटच्या साहाय्याने अंतराळ पर्यटनासाठी अंतराळात झेपावले 

 New Shepard अंतराळयान उड्डाणानंतर काही मिनिटातच अंतराळात पोहोचले आणि अंतराळातील पृथ्वी आणि अंतराळ ह्यांची सीमारेषा असलेली karman line भेदून अंतराळात प्रवेशले अंतराळातील झिरो ग्रॅव्हीटीत पोहोचताच ह्या अंतराळ प्रवाशांनी आनंदाने जल्लोष केला  आणी अंतराळयानात तरंगण्याचा अद्भुत आनंद अनुभवला त्या वेळी सर्वांच्या तोंडून ,"Oh! My God! Awesome! Space Is So Black ! Amazing Feeling! Earth Is So Beautiful !" अशा उत्स्फूर्त प्रतिक्रिया उमटल्या आणि अवघ्या दहाबारा मिनिटांचा अंतराळ पर्यटनाचा हा अद्भुत अनुभव घेऊन हे सर्व प्रवासी पृथ्वीवर परतले 

त्यांच्या स्वागताला त्यांचे नातेवाईक व Blue Origin संस्थेचे Vice President Phil Joyce हजार होते ते म्हणाले ," आमच्या ह्या अंतराळ पर्यटन मोहिमेमुळे जगभरातील उद्योजक,सायंटिस्ट,डॉक्टर्स आणि धाडसी नागरिकांना अंतराळ पर्यटन करता येते अंतराळातून पृथ्वीकडे पाहण्याचा आनंद घेता येतो,अंतराळातील झिरो ग्रॅव्हीटीचा अनुभव घेता येतो अंतराळ पर्यटनानंतर पृथ्वीवर परतल्यानंतर त्यांच्या आनंदित प्रतिक्रिया ऐकायला आम्हाला  आवडतात त्या आम्हाला प्रेरित करतात आम्ही धाडसी नागरिकांना पृथ्वीवरून अंतराळ प्रवासासाठीचा मार्ग तयार करतो

Lane Bess दुसऱ्यांदा अंतराळ पर्यटनासाठी गेले होते 19 डिसेंबर 2021मध्ये NS -19 मोहिमे अंतर्गत ते अंतराळ पर्यटनासाठी गेले होते मी दुसऱ्यांदा अंतराळ पर्यटनासाठी गेलो होतो हा अद्भुत आनंद,हा अनुभव पुन्हा:पुन्हा घ्यावासा वाटतो जगाकडे बघण्याचा दृष्ठीकोन बदलतो पृथ्वी सौन्दर्य अलौकिक आहे पायलट असलेल्या Elaine ह्यांना  लहानपणापासूनच Space Program पाहण्याची आवड होती त्यांचे अंतराळात जाण्याचे स्वप्न होते त्या म्हणतात मी पायलट असल्यामुळे आजवर अनेकदा आकाशात भरारी मारली आहे आकाशातील ग्रह तारे पाहिले आहेत मला तिथे जायची इच्छा होती लहानपणी अंतराळविश्व मला भुरळ पाडायच म्हणूनच मी पायलट झाले तिथे प्रत्यक्षात जाऊन पाहण्याच अनुभवण्याच,उड्डाण करण्याच माझ स्वप्न होत ते आज पूर्ण झालय! हा अनुभव पुन्हा पुन्हा घ्यावासा वाटतो 

सर्वांनीच अंतराळातून पृथ्वीच सौन्दर्य अलौकिक दिसत आणि तिथून पृथ्वीकडे पाहताना विचारांची दिशा बदलते वेगळा दृष्ठीकोन मिळतो असे सांगितले आम्हाला ह्या क्षणी आमच्या भावना व्यक्त करताना शब्द सुचत नाहीत आम्ही खूप आनंदी झालो आहोत अशी प्रतिक्रिया व्यक्त केली 

 

 ह्या सहाही अंतराळ प्रवाशांना ते अंतराळपर्यटनाहून परतल्यावर ते अंतराळवीर झाल्याचे सर्टिफिकेट आणि त्यांच्या कर्तृत्वाचे वैशिष्ठ असलेले गौरव चिन्ह कोरलेला Patch देण्यात आला

नासाच्या Space X-Crew -10 मोहीमेतील चार अंतराळवीर मार्चमध्ये स्थानकात वास्तव्यास जाणार

 नासाच्या Space X Crew -10 अंतराळ मोहीमेतील सहभागी रशियन अंतराळवीर Kirill Peskov ,नासाचे अंतराळवीर Nichole Ayers ,Anne MacClain आणि जपानच्या अंतराळवीर Takuya Onishi -फोटो -नासा संस्था

 

नासा संस्था- 21 फेब्रुवारी 

नासाच्या Space X-Crew -10 मोहीमे अंतर्गत नासाच्या अंतराळवीर Anne Mcclain,अंतराळवीर Nicole Ayers जपानचे अंतराळवीर Takuya Onishi आणी रशियन अंतराळवीर Kirill Peskov हे चारजण मार्च महिन्यात स्थानकात सहा महिन्यांच्या वास्तव्यासाठी जाणार आहेत 

अंतराळवीर Anne McClain ह्या मोहीमेचे कमांडर पद सांभाळणार असुन अंतराळवीर Nichole Ayers पायलटपद सांभाळणार आहेत जपानचे अंतराळवीर Tukuya Onishi आणी रशियन अंतराळवीर Kirill Peskov हे दोघे ह्या मोहिमेत मिशन स्पेशालिस्ट म्हणून काम सांभाळणार आहेत 

हे चारही अंतराळवीर नासाच्या Florida येथील Space Center मधील 39 A ह्या ऊड्डाण स्थळावरुन स्थानकात जाण्यासाठी ऊड्डाण करतील Space X Crew Dragon ह्या चारही अंतराळवीरांसह 12 मार्च़ला संध्याकाळी 7.48 ला Falcon 9 rocket च्या सहाय्याने स्थानकात जाण्यासाठी अंतराळात झेपावेल 

नासाचे अंतराळवीर Nichole Ayers आणी रशियन अंतराळवीर Kirill Peskov हे दोघे पहिल्यादाच अंतराळस्थानकात रहायला जाणार असल्याने त्यांचा हा पहिलाच अंतराळ प्रवास आहे नासाच्या अंतराळवीर Anne MacClain आणी जपानचे अंतराळवीर Tukuya Onishi ह्यांची मात्र हि दुसरी अंतराळवारी आहे ते दुसऱ्यांंदा स्थानकात वास्तव्यास जाणार आहेत सध्या हे अंतराळवीर Florida येथील नासा संस्थेत उड्डाणपूर्व अंतिम तयारीत  व्यस्त आहेत

हे अंतराळवीर स्थानकात पोहोचल्यावर अंतराळ मोहीम 73 मधील अंतराळवीरांसोबत तेथे सुरु असलेल्या सायंटिफिक संशोधनात सहभागी होतील आणि त्या नंतर Space X Crew -9 चे अंतराळवीर पृथ्वीवर परततील त्यांच्या सोबत अंतराळवीर Sunita Williams आणि Butch Wilmore ह्यांनाही परत आणण्याचा नासा संस्थेत  विचार सुरु आहे

नासाच्या आर्टीमस मोहिमेतील Firefly Blue Ghost चांद्रयानाचा चंद्राच्या कक्षेत यशस्वी प्रवेश

 

नासाच्या आर्टीमस मोहिमेतील Firefly Blue Ghost अंतराळयान चंद्राच्या कक्षेत प्रवेश करताना यानातील कॅमेऱ्यांनी घेतलेला फोटो -फोटो -नासा संस्था

नासा संस्था - 10 फेब्रुवारी

आर्टीमस मोहीमेतील सहभागी Firefly संस्थेने बनविलेले Blue Ghost lunar lander ने चंद्राच्या कक्षेत यशस्वी प्रवेश केला आहे  Blue Ghost Lunar Lander चंद्र भुमीवरील संशोधीत माहिती गोळा करण्यासाठी बनविण्यात आलेल्या अत्याधुनिक दहा सायंटिफिक ऊपकरण चाचणीसाठी 15 जानेवारीला नासाच्या Florida येथील Kennedy Space center मधील ऊड्डाण स्थळावरुन चंद्राच्या दिशेने मार्गस्थ झाले होते आता Blue Ghost चंद्रयानाच्या 45 दिवसांच्या ह्या मोहिमेतील 15 व्या दिवशी यानाने पृथ्वीच्या कक्षेतून चंद्राच्या कक्षेत सुरक्षित प्रवेश करून हि मोहीम यशस्वी केली आहे 

 30 जानेवारीला Blue Ghost चांद्रयान चंद्राच्या कक्षेजवळ पोहोचताच यानातील स्वयंचलित यंत्रणा कार्यान्वित झाली आणि यानाने चंद्राच्या कक्षेत डिसेंट प्रवेश केला आणि यानातील Stereo कॅमेऱ्यांच्या साहाय्याने चंद्रकक्षेत शिरतानाचे फोटो पृथ्वीवरील नासा संस्थेत पाठविले ह्या यानात सहा Stereo कॅमेरे फिक्स केलेले असून त्यातील चार Short Focal Length कॅमेरे आहेत आणि दोन Long Focal Length कॅमेरे आहेत ह्या फोटो आणि व्हिडिओ मुळे शास्त्रज्ञांना Blue Ghost यानाच्या चंद्रकक्षा प्रवेश प्रक्रियेच्या वेळची आधीची आणि नंतरची तेथील स्थिती तसेच चंद्राच्या आसपासच्या वातावरणातील त्यावेळेस झालेल्या परिणाम बदलाची स्थिती समजण्यास मदत होईल 

आर्टीमस मोहिमे अंतर्गत चंद्रावर पोहोचणाऱ्या ह्या नव्या अद्ययावत अंतराळयानांमुळे आणि यानातील संशोधित अत्याधुनिक सायंटिफिक उपकरणामुळे चंद्रावरील संशोधन करण्यास शास्त्रज्ञांना आणि भविष्यकालीन अंतराळवीरांना फायदा होईलच शिवाय नवीन तंत्रज्ञानही चंद्रावर पोहोचेल आणि यानाची सुरक्षितता,उपयुक्तता आणि यानातील अत्याधुनिक सायंटिफिक उपकरणांची चाचणी घेतल्या जाईल आणि अशा मोहिमांमुळे भविष्यकालीन अंतराळमोहिमेतील अंतराळवीरांचा अंतराळप्रवास सुरक्षित होण्यास त्यांना संशोधन करण्यास मदत होईल 

Blue Ghost अंतराळयानातील स्वयंचलित अत्याधुनिक उपकरणाची आणि टेकनॉलॉजिची कार्यक्षमता चाचणी यानाच्या चंद्र प्रवेशामुळे यशस्वी ठरली आहे शिवाय यानातील कॅमेरे देखील व्यवस्थित कार्यरत झाले आहेत त्यामुळे त्यांची फोटो घेण्याची क्षमता चाचणी देखील यशस्वी ठरली आहे आता 16  दिवस Blue Ghost चंद्राच्या कक्षेत  भ्रमण करेल आणि तेथील संशोधित माहिती व फोटो गोळा करून पृथ्वीवर नासा संस्थेत पाठवेल आणि नंतर ठरलेल्या वेळी सुरक्षितपणे खाली चंद्रभूमीवर उतरेल

 एकदा का Blue Ghost यान चंद्रावर पोहोचले कि त्यातील अत्याधुनिक स्वयंचलित यंत्रणा कार्यान्वित होईल आणि ह्या यानातील सायंटिफिक उपकरणे आणि प्रणालीच्या कार्यक्षमतेची चाचणी घेतल्या जाईल यानातील रोबोटिक आर्म,हॅमर आणि इतर उपकरणाद्वारे चंद्रभूमीवरील आणि भूगर्भातील जमिनीची उत्खनन क्षमता उत्खनना नंतरची तेथील खडक,माती,वाळू,मिनरल्स आणि इतर गोष्टीचे नमुने घेऊन ते व्यवस्थित गोळा करण्याची क्षमता चेक केल्या जाईल चंद्रावरील वातावरणातील संशोधित माहिती,जागतिक Navigation Satellite system ,Radiation Tolerant Computing क्षमता चेक केल्या जाईल शिवाय नविन तंत्रज्ञान वापरून चंद्रावरील चिकट धुळीवर नियंत्रण मिळवण्यासाठीच्या उपकरणाची कार्य क्षमता तपासण्यात येईल हि धूळ झटकण्यासाठी आणि अंतराळयान व अंतराळवीरांच्या स्पेससूटचे ह्या धुळीपासून संरक्षण करण्यासाठीच्या ह्या नवीन यंत्रणेची यशस्वीता चेक करण्यात येईल ह्या संशोधित माहितीमुळे अंतराळातील हानिकारक कॉस्मिक किरणे आणि इतर वायूपासून पृथ्वीचे संरक्षण करण्यास मदत होईल

नासाच्या Axiom -4 व्यावसायिक अंतराळ मोहिमे अंतर्गत चार अंतराळवीर स्थानकात वास्तव्यासाठी जाणार

 Axiom -4 मोहिमेतील सहभागी हंगेरीयन अंतराळवीर Tibor Kapu ,इसरोचे अंतराळवीर शुभांशु शुक्ला नासाच्या अंतराळवीर Peggy Whitson आणि पोलंडचे अंतराळवीर Stawosz Uznariski -फोटो -नासा संस्था

नासा संस्था - 4 फेब्रुवारी

अमेरिकेने अंतराळ विश्वातील अंतराळवीरांच्या अंतराळ प्रवासासाठी आणि अंतराळयान बनविण्यासाठी व्यावसायिक कंपन्यांना परवानगी दिल्यानंतर Space X कंपनीने ह्या मोहिमेत सहभागी होत शुभारंभ केला आणि   Crew Dragon अंतराळ यानातून अंतराळवीरांना अनेकदा सुरक्षित अंतराळ प्रवास घडवीत हि मोहीम यशस्वी केली त्या नंतर Axiom Space कंपनीनेही ह्या व्यावसायिक अंतराळ मोहिमेत पदार्पण केले आणि तीनवेळा अंतराळवीरांना सुरक्षितपणे स्थानकात नेऊन आणले आता  नासाच्या Axiom -4 मोहिमेतील चार अंतराळवीर स्थानकात वास्तव्यास जाणार आहेत 

Axiom -4 मोहिमे अंतर्गत नासाच्या अंतराळवीर आणि Axiom Space कंपनीच्या Human Space Flight Director Peggy Whitson,भारतीय अंतराळ संस्था इसरोचे अंतराळवीर शुभांशु शुक्ला,युरोपियन अंतराळवीर Stawosz Uznanski Wisniewski (Poland ) आणि हंगेरीचे अंतराळवीर Tibor Kapu हे चार अंतराळवीर स्थानकात वास्तव्यासाठी जाणार आहेत ह्या मोहिमेत अंतराळवीर Peggy Whitson ह्या कमांडरपद तर शुभांशु शुक्ला हे पायलट पद सांभाळणार असून पोलंडचे अंतराळवीर Stawosz आणि हंगेरीयन अंतराळवीर Tibor Kapu हे दोघे मिशन स्पेशॅलिस्ट पद सांभाळणार आहेत 

नासाच्या फ्लोरिडा येथील Kennedy Space Center येथील उड्डाणस्थळावरून हे चारही अंतराळवीर Space X Crew Dragon अंतराळ यानातून अंतराळस्थानकात जाण्यासाठी उड्डाण करतील वसंत ऋतूत हे अंतराळवीर स्थानकातील चौदा दिवसांच्या वास्तव्यासाठी जाणार आहेत आणि तिथे सुरु असलेल्या सायंटिफिक संशोधनात सहभागी होणार आहेत ह्या व्यावसायिक मोहिमेत नासा आणि भारतीय अंतराळसंस्था ह्यांच्या सहकार्याने प्रथमच इसरोचे  भारतीय अंतराळवीर शुभांशु शुक्ला सहभागी होणार आहेत पोलंड आणि हंगेरीचे अंतराळवीर देखील ह्या मोहिमेत पहिल्यांदाच सहभागी झाले आहेत 

Ax-4 मोहिमेतील नासाच्या माजी अंतराळवीर Peggy Whitson मात्र अनेकवेळा स्थानकात वास्तव्यास गेल्या असून त्यांनी एक वर्ष सलग स्थानकात राहण्याचा विक्रम प्रस्थापित केला आहे त्या म्हणतात," Axiom मोहिमेतील विविध देशांच्या अंतराळवीरांसोबत काम करण्याचा अनुभव खूप छान आहे हे अंतराळवीर बुद्धिमान आहेत अंतराळविश्वातील संशोधन करण्याचा त्यांचा दृष्टिकोन नवा आहे त्यांच्या देशाच्या ह्या व्यावसायिक सहभागामुळे आमच्या मोहिमेला संशोधन करताना मदत मिळेल अंतराळ विश्वात व्यावसायिक दृष्ठीने औद्योगिक प्रगती होईल शिवाय त्यांच्या देशातील भावी पिढीला ह्या अंतराळविश्वात करिअर करताना प्रेरणा मिळेल आणि ह्या अमर्याद अंतराळ विश्वात संशोधन करण्यासाठीची पाऊलवाट मिळेल !"

ह्या आधी 2022एप्रिल मध्ये Axiom-1 मोहिमेतील अंतराळवीरांनी स्थानकात 17 दिवस वास्तव्य केले 2023 मध्ये Axiom -2 मोहिमेत चार अंतराळवीरांसह  Peggy Whitson ह्यांनी कमांडरपद सांभाळत आठ दिवस स्थानकात वास्तव्य करीत हि मोहीम यशस्वी केली आणि 2024 च्या जानेवारी महिन्यात Axiom -3 मोहिमेतील अंतराळवीरांनी स्थानकात 18 दिवस वास्तव्य केले होते 

अंतराळातील ह्या फिरत्या अंतराळस्थानकातील झिरो ग्रॅव्हीटीतील प्रयोगशाळेत गेल्या चोवीस वर्षांपासून विविध देशांचे अंतराळवीर सतत जातात,तेथे सुरु असलेल्या संशोधनात सहभागी होतात आणि नवनवीन शोध लावतात पृथ्वीवर करता येत नाहीत अशा पृथ्वी संरक्षण,मानवी आरोग्यासाठी,औद्योगिक विकासासाठीच्या संशोधनात सहभागी होतात स्थानकातील विपरीत वातावरणाचा मानवी आरोग्यावर होणाऱ्या परिणामाची संशोधित माहिती गोळा करतात अंतराळस्थानक म्हणजे अंतराळविश्वातील व्यावसायिक अर्थव्यवस्था विकसित करणारी Sprigboard आहे आणि ती अधिक सशक्त करण्याचे नासाचे द्येय आहे त्यासाठी ह्या व्यावसायिक संस्थेच्या सहकार्याने अंतराळ मोहिमा कमी खर्चात सुरक्षित आणि नियमित करण्याचा नासाचा उद्देश आहे ह्याचा उपयोग भविष्यकालीन मंगळ आणि दूरवरच्या अंतराळ मोहिमेसाठी होईल नासा संस्थेतील ISS Program Manager Dana Weigel ,म्हणतात ,"आम्ही ह्या व्यावसायिक मोहिमेच्या यशस्वी सहभागामुळे आनंदित झालो आहोत आणि Axiom च्या नियमित व्यावसायिक सेवा सुरु करण्यासाठी उत्सुक आहोत