अंतराळ स्थानकात सहाव्यांदा उगवलेल्या भाजीची अंतराळवीर Joe Acaba ह्यांनी केली कापणी

                 अंतराळ स्थानकातील आधुनिक चेंबर मध्ये उगवलेली नवी भाजीची रोपे -फोटो -नासा संस्था

नासा संस्था - 28 ऑक्टोबर
शुक्रवारी 27 ऑक्टोबरला अंतराळवीर अंतराळस्थानकातील व्हेजी प्रोजेक्ट मध्ये व्यस्त होते कारण त्या दिवशी अंतराळ स्थानकात सहाव्यांदा उगवलेल्या भाजीची अंतराळवीर Joe Acaba ह्यांनी कापणी केली
अंतराळवीर Joe Acaba ह्यांनी Mizuna Mustard ,Waldmanns ग्रीन लेट्युस आणि Outredgeous ,Red Romaine Lettuce ह्या भाज्यांची पाने कापली त्यांनी ह्या भाज्या मुळापासून न कापता अर्ध्याच कापल्या त्यामुळे उरलेल्या भाजीच्या रोपांना पुन्हा पाने येतील Joe Acaba ह्यांच्या ह्या कामाने ह्या व्हेजी प्रोजेक्टचे मॅनेजर Nicole Dufour प्रभावित झाले असून Joe ने छान काम केले अशी प्रतिक्रिया व्यक्त केली आहे
अंतराळवीरांनी स्थानकात ऊगवलेल्या ह्या ताज्या भाज्यांचा आस्वादही घेतला फ्लोरिडा तेथील केनेडी स्पेस सेंटर मधील संशोधकांच्या टीमने स्थानकात पाठवलेल्या ड्रेसिंगचा उपयोग अंतराळवीरांनी ह्या भाज्यांची चव वाढवण्यासाठी  केला
अंतराळस्थानकातील वास्तव्यादरम्यान अंतराळवीर स्कॉट केली,पेगी व्हाइटसॉन व इतर अंतराळवीरांनी अंतराळस्थानकात राहत असलेल्या अंतराळ वीरांना ताजी भाजी व फळे खाता यावीत म्हणून व्हेजी प्रोजेक्ट राबवला ह्या प्रोजेक्ट अंतर्गत त्यांनी स्थानकात भाजी व फुलांच्या रोपांची यशस्वी लागवड करून आधुनिक तंत्रज्ञानाने निगा राखत त्यांची जोपासना केली आणि त्यांच्या ह्या प्रयत्नांना यशही मिळाले अंतराळात फुले तर फुललीच शिवाय लेट्युस ,कोबीची भाजीही उगवली त्या मुळे प्रेरित होऊन अंतराळवीर आता ह्या व्हेजी प्रोजेक्ट अंतर्गत नवनवीन प्रयोग करत आहेत

 स्थानकातील व्हेजी चेंबर मधील Mizuna ,Red romaine Lettuce आणि Wehldmons ग्रीन lettuce ह्या भाज्यांचे   Joe Acaba ह्यांनी काढलेले फोटो - नासा संस्था

व्हेजी प्रोजेक्ट च्या टीमने ह्या वेळेस प्रगतीचे एक पाऊल पुढे टाकत स्थानकातील आधुनिक तंत्रज्ञानानें विकसित केलेल्या प्रयोगशाळेतील बागेत नुकतीच नवीन तीन पालेभाज्यांची लागवड केली आहे भाजी लागवडीची हि स्थानकातील सहावी वेळ आहे
ह्या Veg-03 ह्या प्रोजेक्ट अंतर्गत अंतराळवीरांना वेगळा व नवीन प्रयोग करायचा होता म्हणून त्यांनी मिश्र पालेभाज्यांची लागवड केली त्यांच्या ह्या यशामुळे अंतराळवीरांना नवी वेगवेगळी रोपे पाहायला मिळाली शिवाय त्यांची चवही चाखता आली तीन वेगवेगळ्या भाज्या लाऊन त्यांची निगा राखत स्थानकात वाढवणे पृथ्वीइतके सोपे नव्हतेच Mizuna जातीच्या भाजीचे पाने लांब व टोकदार असल्याने पाणी घालताना अडकत होती
ह्या भाज्यांच्या कापणीनंतर आता अंतराळवीरांनी स्थानकात नवे Plant Growth Chamber (Advanced Plant Habitat ) बसवले आहे आधीपेक्षा हे चेंबर अत्याधुनिक तंत्रज्ञानाने युक्त आहे हा आधुनिक चेंबर स्थानकात Install करण्यासाठी अमेरिकेतील नासा सेंटर मधील संशोधकांनी Joe Acaba ह्यांना योग्य त्या सूचना दिल्या
ह्या नवीन चेंबर मधील सगळ्या आवश्यक चाचण्या पूर्ण झाल्यानंतर आठवड्या नंतर अंतराळवीर तिथे Arabidopsis ह्या नव्या फुलाच्या रोपाच्या बिया पेरतील हे फुलझाड कोबी आणि मोहरी ह्या जातीचे आहे शिवाय Dwarf Wheat ह्या प्रजातीच्या गव्हाचे रोपही स्थानकातील आधुनिक चेंबरमध्ये  अंतराळवीर लावणार असून पाच आठवडे ग्रोथ चेंबर मधील वातावरण, पाण्याचे शोषण व पुनर्वापर ह्यांचे निरीक्षण नोंदवून रोपांची जोपासना करणार आहेत
अशीच रोपे अमेरिकेतील स्पेस सेंटर मधील प्रयोग शाळेत लावण्यात येतील आणि पृथ्वी आणि स्थानकातील रोपांच्या वाढीतील बदल टिपुन त्यावर संशोधन करण्यात येईल ह्याचा उपयोग आगामी अंतराळमोहिमेतील अंतराळवीरांना होईल व नव्या व्हेजी प्रोजेक्ट साठीही होईल