लिटील चाम्पस

                    T. V. वर "कौन बनेगा करोडपतीचा" एपिसोड सुरु होता नेहमी प्रमाणे अभिताभ यांच्या पुढे हॉट सीट वर कोणी मोठी व्यक्ती नाही तर कौटिल्य नावाचा लिटील वंडर बसून होता. अभिताभ यांनी विचारलेल्या प्रश्नांना तो क्षणाचाही विलंब न लावता पटापट अचूक उत्तरे देत होता ते ऐकून क्षणभर अभिताभजीही अवाक झाले. आप तो ग्यानी हो अस अभिताभजीनी म्हणताच कौटिल्य म्हणाला नाही आप ग्यानी हो आणि आप ग्यानीच हे तू,तू ,मै,मै स्टाईल म्हणण बराच वेळ रंगल आणि शेवटी कौटिल्य पुढे अभिताभजीनी हार मानली त्यान अभिताभजी सोबत लुंगी डान्सही केला खरेतर एवढ्या लहान वयातल कौटिल्यच अफाट ज्ञान,कुशाग्र बुद्धिमत्ता आणि कमालीची स्मरणशक्ती पाहून सार जगच अचंबित झालंय. जी प्रश्नोत्तरे पाठ करायला सामान्यांना तासनतास लागतात नव्हे तीथे हा छोटा कुठल्याही प्रश्नांची विना विलंब अचूकउत्तरे देतो हा अदभुत चमत्कार म्हणावा की निसर्गाची अलौकिक देणगी हा सर्व सामान्यांना पडणारा प्रश्न . बर! अस अचाट बालवयीन ज्ञान असणारा कौटिल्य एकटाच नाही मागे एका जुळ्या बहिणीचीही बालवयातली अफाट बुद्धिमत्ता एका न्यूज चानल वरून दाखवण्यात आली होती . ह्या बालवयीन कुशाग्रतेच शास्त्रीय विश्लेषण व्हायला हवे.
              हल्लीचे लिटील champs अफलातून आहेत मग ते क्षेत्र गायन, वादन,नृत्य ,अभिनय किंवा कुठलाही कला अविष्कार असो त्यात हे लिटील champs मागे नाहीत आधी सा रे ग म प मग इंडियन idol ह्या गायनाच्या स्पर्धेत ह्या लहान मुलांची गाणी ऐकली मुग्धा वैशंपायन ,पद्मनाभ हे लोभस,गोंडस छोटे आणि कार्तिकी, प्रथमेश ,आर्या ,रोहित राउत जेव्हा ताकदीन गातात तेव्हा नवल आणि कौतुकही वाटतच कारण त्या साठीचा रियाज त्यांनी न थकता केलेला असतो.
                 डान्स इंडिया डान्स असो कि एखादा reality show त्या साठी अथक परिश्रम करावे
लागतात आणि आताचे काही डान्स प्रोग्राम मध्ये सर्कशीतल्या प्रमाणे स्टंटचा समावेश केलेला असतो अशा रियालिटी शो मध्ये कसरत करताना क्षणाचाही विलंब घातक ठरू शकतो तेव्हा ह्या कोवळ्या बालकांना timing च भान ठेवत नाचण किती कठीण ? ह्याच श्रेय ह्या लिटील champs प्रमाणे त्यांच्या कोरियोग्राफरस ला पण जात . पूर्वी शाळा कॉलेजातून किंवा कधी मधी होणारया कार्यक्रमातून शिक्षकांनी निवडलेल्या मुलांची वर्णी लागायची त्यासाठी स्टेज डेअरिंग ,अंगभूत कला गुण असण आवश्यक असे. आता सतत असे कार्यक्रम होत असतात त्या मुळे कोरिओग्रफ़र,ड्रेस डिझायनर ,Event Manager असे नवे व्यवसाय नावारूपाला आले आहेत अर्थात त्या साठी भरपूर फी देखील आकारल्या जातेय.शिवाय ह्या नव्या प्रयोगामुळे अभिजात नृत्याविष्कार कमी पहायला मिळत आहेत
                  पूर्वी अभिनय क्षेत्रात जूनिअर मेहमूद,सचिन पिळगावकर ,माष्टर राजू ,उर्मिला मंतोडकर पल्लवी जोशी ,तिचा भाऊ अलंकार अशी कितीतरी बाल कलाकार मंडळी नावारूपाला आली होती त्यांना त्या साठी खूप संघर्ष करावा लागल्याच ते मुलाखतीतून नेहमी सांगतात पण आता सहजतेन T . V सिरियलस ,जाहिरातीमधून ही बालकलाकार मुले सिनेमातही अभिनय करू लागलेत पूर्वी "जिलेबी" केल्याच आजोबांनी सांगताच पळून गेलेला छोटू घरी परततो ती जाहिरात आणि त्यातला छोटू साऱ्यांनाच आवडला होता आता असे अनेक लोभस गोंडस छोटे जाहिरात,सिरियल मधून सहजतेन वावरतात तर काही "श्वास" सारख्या सिनेमातून अंतर राष्ट्रीय स्तरावर ही पोहोचली आहेत.                          
                    ह्या नव्या पिढीन आता आणखी एक नव नवलाच पाउल उचललय ही पोर आता संजीव कपूरच्या जुनियर "माष्टर शेफ " ह्या पाककला स्पर्धेत पोहोचलीत . ज्या वयात आई कडे खाऊसाठी हट्ट करायचा ,भातुकलीच्या खेळातला लुटुपुटीचा स्वयंपाक करायचा त्या वयात हि मुले कुकरी शो मध्ये कुशलतेन खरोखरचा स्वयंपाक करताना पाहून आपल्याला थक्क व्हायला होत. हि छोटी मुले एकत्रित पणे पदार्थाची चर्चा करतात , पदार्थ बिघडला तर ,मार्क कमी मिळाले किंवा नंबर आला नाही तर हिरमुसतात ,रडतात आणि सुधारणा करत मोठयांच्या जोडीन मोठयांच्या तोडीचे पदार्थ करतात तेव्हा खरच नवल वाटत. आधीच्या पिढयांपर्यंत लहान मुलांना स्वयंपाक घरात पाऊल टाकताच बाहेर पिटाळल्या जायचं. खूपच मागे लागल तर कणकेचा गोळा अन छोट पोळपाट दिल जायचं gas जवळ हि त्यांना जाऊ दिल जात नव्हत. भातुकलीच्या खेळातही चुरमुरे, शेंगदाणे फार फार तर आई त्यांना छोटे फराळाचे करून देई आणि पोर देखील स्वत:च काम स्वत: कर म्हटल कि पळ काढत पण आताची लिटील champs संजीव कपूरच्या कृपेन स्वयंपूर्ण होऊ लागलीय अर्थात T.V. च अनुकरण छोटी मुले करतात तेव्हा gas पेटवताना भाजी चिरताना मुलांवर लक्ष ठेवण आवश्यक आहे. ह्या बाबतीत संजीव कपूरला मानायला हव त्यांनी आधी गृहिणी मग पुरुष ,तरुणाई आणि आता चक्क छोटी मुलं ह्यांना कुकरी शो तून स्वयंपूर्ण केलय.
              मागे दै. लोकसत्तात बायका पुरुषांना स्वयंपाक घरात लुडबुड करू देत नाहीत ह्या विषयावर प्रतिक्रिया मागवल्या होत्या तेव्हा मी म्हटल होत कि उलट त्या तर म्हणतील ,"या! स्वयंपाक घरात तुमच सहर्ष स्वागतच आहे वर्षानु वर्षे आम्ही ह्याच क्षणाची वाट पाहतोय कि कधी स्वयंपाक घरातून सुटका होतेय"! सुदैवान आता पुरुष हि त्यांना स्वयंपाकात हातभार लावू लागलेत आणि आता लिटील champs स्वयंपाक शिकू लागलेत म्हणजे स्वयंपाक घराचा गाडा आता खरया अर्थान चार पायावर चालू लागला तर नवल वाटायला नको.
                     सद्या सर्वत्र भ्रष्टाचार ,चोरया ,लुटालूट ह्याना उत आलाय अशा वेळेस ह्या लिटील champs ना देशासाठी लढताना धारातीर्थी पडलेल्या नौजवानांची विजयी गाथेची ओळख करून द्यायला हवी शिवाय स्वातंत्र पूर्व काळातील स्वातंत्र्य सेनानी ज्यांनी देशासाठी शत्रूकडून छळ सोसला आणि प्रसंगी
आपल्या प्राणांचे बलिदान दिले त्या शूर वीर ,सावरकर ,वल्लभभाई पटेल ,टिळक,आगरकर,महात्मा गांधी आणि त्याही आधी शिवाजी ,झाशीची राणी लक्ष्मीबाई ,ह्याच्या कथा सांगायला हव्या त्यांच स्मरण ह्या लिटील champs ना प्रेरणादाई ठरेल.

                         नुकतीच एका छोटया मुलाने मंगळसूत्र चोराला पिटाळून लावल्याची बातमी पहिली औरंगाबाद इथल्या एका इमारतीतल्या रखवालदाराच्या छोटया मुलाने त्याच इमारतीतल्या एकामहिलेच्या गळ्यातील मंगळसूत्र चोरून पळणाऱ्या चोराचा दगड मारून पाठलाग केला तेव्हा चोराने मंगळसूत्र तिथेच टाकून पळ काढला ह्या साठी त्या छोटयाच्या धैर्याच कौतुक करायला हव शिवाय त्याचा आदर्श इतरांनीही घ्यायला हव विशेषत: रोज हजारो मंगळसूत्र चोरीच्या घटना होत असताना हि गोष्ट कौतुकास्पद आहे.

यवतमाळ येथे gas सिलिंडरची अवस्था खराब

यवतमाळ येथे सध्या ग्राहकानां वितरीत करण्यात येणाऱ्या सिलिंडरची अवस्था खराब असून सिलिंडर रंग उडालेले,चपटलेले,धुळीने माखलेले असे असून काही सिलिंडर च्या वरची रिंग थोडीशी तुटलेल्या अवस्थेत आहे असे  सिलिंडर लोकांच्या जीवाला घातक असतात मागे यवतमाळात सिलींडरचा स्फोट झाल्याची घटना  घडली  असून देखील असे सिलिंडर वितरीत केल्या जात आहेत तरी संबंधितानी ह्या कडे लक्ष देवून लोकांना चांगले सिलिंडर देण्याची सोय करावी व खराब अवस्थेतील सिलिंडरस कंपनीने  परत घ्यावेत .नागरिकांनी तक्रार केल्यास सिलिंडर बदलून देऊ असे सांगून प्रत्यक्षात मात्र बदलवून दिल्या जात नाही.काही वेळेस गाडीत चांगले सिलिंडर असूनही ते न देता खराब स्थितीतलेच सिलिंडर घ्या नाहीतर नका घेवू अशी उत्तरे मिळतात

फोटो -पूजा दुद्दलवार -BE(Soft)BMC
                   Gas सिलेंडरची खराब अवस्था ,वरची रिंग तुटण्याच्या अवस्थेत

                          

पडध्यामागचे फिल्मी सितारे

                  पण सध्या तरी सर्वत्र श्री आणि जान्हवीची म्हणजे शशांक केतकर आणि तेजश्री प्रधान ह्यांची हवा आहे त्या मुळेच बहुतांश channels वरून त्याचं दिवाळी सेलिब्रेशन , त्यांच्या आवडी निवडी ,करिअर अभिनय ह्या बद्दलची माहिती प्रसारित झाली फिल्मी सितारे मग ते कुठल्याही मालिकेतले असोत एकदा का प्रकाश झोतात आले कि पडध्या वरच त्याचं झगमगत वलय पाहून पडद्यामागे हे तारे कसे कसे असतात ,कसे वागतात ह्याची उत्सुकता साऱ्यांनाच असते कित्येकजण तर पडद्यावरच त्याचं आयुष्य हेच त्याचं खर आयुष्य आहे अस मानु लागतात.

                           टी वी मुळे आज आंतरराष्ट्रीय दर्जाच्या फिल्मी सितारयांच पडद्या मागच आयुष्य आपण सहजतेन पाहू शकतोय आजची नवी पिढी देखील आपली पब्लिसिटी पटकन cash करत चाहत्याशी फोनवरून संवाद साधतेय त्यांच्यात सहजतेन मिसळतेय गावागावात कार्यक्रमातून हजेरी लावतेय त्या मुळेच लोकांना हे कलावंत आपलेसे वाटतात.

                       टी .वी. येण्याआधी आणि नंतरही सिने,नाटय कलावंताना भेटण त्यांच्याशी संवाद साधण तितकस सोप नव्हत आणि त्या आधी मुंबई पुण्या बाहेरील चाहत्यांना त्यांची झलक दिसणहि दुर्लभ होत फक्त पेपरच्या रविवार पुरवणीतून त्यांच्या बद्दल वाचायला मिळे लहानपणी आई आम्हाला तीन पाहिलेल्या पन्हाळगड वर झालेल्या शुटींग च रसभरीत वर्णन सांगायची दीक्षित मास्तर (कवी संजीव ) ह्यांच्या गीतांचा समावेश असलेल्या बोलपटातील नामवंत अभिनेत्री ,तिच्या सोबतच तीच वास्तव्य त्या, दरम्यान तीन अनुभवलेलं तीच चांगुलपण ,तिची राहणी,तिचा अभिनय ह्या बद्दल ती आम्हाला नेहमी सांगायची तेव्हा नवल वाटायचं पण म्हणून आम्हाला सिनेमे पाहण्याची मुभा नव्हती कारण नंतर च वातावरण बदलल वर्षातून एक दोन सिनेमे तेही चांगले असतील तरच पहायला मिळत.नाटक उशिराने असल्याने फारसे कोणी पाहत नसत आमच्या दूरच्या मावस काकांकडूनहि आम्हाला सिने कलावंतांचे किस्से कळत

शाळेत असताना एकदा आम्हाला आमच्या वर्ग मैत्रिणीकडून "शशिकला "सोलापुरात आल्याच कळाल तिच्या घराच्या समोरच शाशिकालाजीचघर होत तीन आम्हाला शाशिकलाजीची भेट घडवण्याच कबुल केल अर्थात घरच्यांच्या परवानगीन आम्ही दुसरया दिवशी भेटण्याची वेळ ठरवली पण जायला वेळ झाला अन त्यांची आरामाची वेळ संपली ती त्यांच्या व्यायामाची वेळ होती त्या मुळे त्यांनी दुसरया दिवशी भेटीची वेळ दिली आमचा हिरमोड झाला पण मैत्रिणीच्या माडीवरून आम्ही शाशिकलाजींना पाहिलं शाशिकलाजी त्यांच्या वयापेक्षा कितीतरी लहान दिसत होत्या सुंदर सडपातळ गुलाबी सलवार कमीझ घातलेल्या शाशिकलाजी माडीवर येरझारा घालत होत्या त्या वेळेस त्या एक प्रथितयश अभिनेत्री आणि खलनायिकाही होत्या.

एकदा बेंगलोर च्या काबिनी जंगल सफारी मध्ये अमेरिकन अभिनेत्री गोल्डी हॉन तिच्या फिल्मी युनिट सोबत आली होती पंचेचाळीसची गोल्डी हॉन अवघी विशीची दिसत होती तिच्या सहकारयाकडून तीच वय कळाल तेव्हा तिच्या फिगर maintenance च नवल वाटलं दिवसभर लंच ,डीनर ,camp फायर मध्ये आम्ही सोबत होतो दुसरया दिवशी आम्ही थोडस शुटींग ही पाहिलं तिच्या सहकारयाकडून दुपारी भेटण्याची वेळ ठरवली पण नंतर वेटर कडून तीन खूप ड्रिंक्स घेतल्याच कळाल अन आम्ही तिच्याशी बोलण्याचा विचार बदलला सुधाचंद्रंन आम्हाला एकदा मुंबईत दिसली ती अंधेरीला तिच्या गाडीत एकटीच ड्रायवरची वाट पहात होती तिचा ड्रायवर तिला न सांगता कोठेतरी निघून गेला होता आणि तिला शुटींग स्थळी लवकर पोहोचायचं होत .

             पुढे मी रीतसर पत्रकारितेचा कोर्स केला अन अशोक शिंदे ,मैथिली जावकर ,रमेश भाटकर ,कुलदीप पवार ह्यांच्याशी बोलण्याची संधी मिळाली पुण्याला माझ्या कुटुंबीयांसोबत अशोक शिंदे यांची मुलाखत रंगली अर्थात आधी रीतसर मुलाखतीची वेळ ठरवूनच. त्या दरम्यान त्यांचा अभिनय संघर्ष ,कुटुंब वत्सलता ,अन समोरच्याला मान देण्याची वृत्ती अनुभवली नंतर यवतमाळ येथे आल्यावर त्यांनी आवर्जून आठवण ठेवली रमेश भाटकर पुण्यात "हृदयस्पर्शी "सिनेमाच्या प्रिमियर साठी आले होते त्यांनी तो सिनेमा आवर्जून पहा अस सांगितलं पण वेळेअभावी आम्हाला सिनेमा पाहता आला नाही नंतर तो आम्ही पहिला आणि आम्हाला तो आवडलाही यवतमाळ येथे तेही नाटकाच्या निमित्ताने आले तेव्हा खलनायकी ढंगाची त्यांची भूमिका पाहून आश्चर्य वाटल खर पण त्याही भूमिकेत त्यांचा अभिनय उत्तम असल्याच मी त्यांना सांगितलं.

                   "बायको बिलंदर नवरा कलंदर " ह्या कुलदीप पवार दिग्दर्शित करत असलेल्या नाटक च्या निमित्ताने कुलदीप पवार यवतमाळ येथे आले होते इथल्या एका शाळेच्या प्रांगणात ते नाटक होणार होते आणि त्याच शाळेच्या hall मध्ये त्यांच्या मेकअप वैगरेची सोय केलेली होती hall ला पडदा बांधून महिला कलाकारांची चेंजिंग ची सोय केलेली होती कुलदीप पवार आपल्या सहकारयांशी चर्चा करण्यात मेकअपमन मेकअप करुन देण्यात ,प्रेसमन कपड्यांना प्रेस करण्यात मग्न होते साऊंड मन आणि इतर कलावंतांची ये जा सुरु होती व्यस्ततेमुळे कुलदीप पवारांनी मुलाखतीसाठी नंतरची वेळ दिली आणि ते सह कलाकारांना अभिनयाचे प्रात्यक्शित दाखवू लागले.

                              कीर्ती गोसावी मेकअ करून तयार होते त्यांना त्यांच्या आजोबांचा अभिनय वारसा लाभलेला आहे एका प्रश्ना दरम्यान कीर्ती गोसावी हे IIT पवई तून engineer झालेले आहेत हे ऐकून आम्हाला आश्चर्य वाटलं तेव्हा आमच बोलण ऐकून कुलदीप पवार म्हणाले ,"अहो !लोकांना वाटत इथले लोक मद्दड असतात, अर्ध शिक्षित असतात .पण तस नाही इथंही डॉक्टर engineerआहेत अभिनय करण , नाटकात काम करण काय इतक सोप असत ? उलट इथे तर कॉमन सेन्सचा खूप वापर करावा लागतो वैयक्तिक अडचणी दूर ठेवून अभिनय करावा लागतो खूप संकट येतात पण न डगमगता त्यांना तोंड ध्यावे लागते ,कितीतरी व्यवधान सांभाळावी लागतात . कित्येकदा एखाद्या व्यावसायिकाचा फोन येतो कि आमचा मुलगा अभ्यासात हुशारनाही त्याच तिथे ही जमत नाही त्याला तुमच्या कडे घ्या . पण हेकाय इतक सोप असत! एकवेळ अभ्यास करून घोकंपट्टी करून engineer होता येत पण अभिनय अंगात असावा लागतो इथे मेहनतीला पर्याय नाही वेळेवर अभिनय करावा लागतो संवाद म्हणावे लागतात ,वेळ निभावून न्यावी लागते इथे अंगभूत कलागुणांना महत्व असत!"

बरोबर आहे ,अशोक शिंदे engineer आहेत ,मैथिलीही उच्चशिक्षित आहे आणि आता तर नवीन कलावंतही doctor, engineer आहेत त्यांच्या प्रसिद्धी वलया मागे त्यांची अपार मेहनत ,चिकाटी,एकाच वेळी अनेक सिरियल्स मधले संवाद पाठ करण शुटींगच्या वेळा साभांळण ,धावपळीत शुटींग स्थळी पोहोचण आणि आपल डायेट सांभाळत ,सारा ताण विसरून चाहत्यांशी हसत मुखान संवाद साधण हेच फिल्मी सिताऱ्यांच खर आयुष्य असत .